2013.06.21,

Նյուսրում

Media Պեչակուչա՝ «Ես էլ թերթ չեմ…»

author_posts/anna-barseghyan
Աննա Բարսեղյան
twiterfacebook

Լրագրող

Պեչակուչան ներկայացումներ անելու ձեւաչափ է, երբ ասելիքդ պետք է ձեւակերպես 20 սլայդում եւ յուրաքանչյուր սլայդը ներկայացնես 20 վայրկյանում: Երեւանում երկրորդ անգամ անցկացվեց մեդիա թեմատիկայով Պեչակուչա երեկո: Առաջինը 2011-ին էր եւ կոչվում էր «Ես թերթ եմ»:

2013-ի մեդիա Պեչակուչայի խորագիրն արդեն «Ես էլ թերթ չեմ…» էր: Պրեզենտացիաների թեմաները տարբեր էին՝ մեդիագրագիտությունից մինչեւ խորը վեբ եւ անհասցե լրատվական կայքեր:

«Հույսի կամուրջ» հասարակական կազմակերպության հաշմանդամություն ունեցող անձանց շահերի պաշտպանության պատասխանատու Զառա Բաթոյանի համար, ով առաջին անգամ էր մասնակցում ՊեչաԿուչային, այս միջոցառումը առիթ էր խոսելու մեդիայում հաշմանդամ մարդկանց ներկայացվածության մասին:

«Շատ հետաքրքիր էր իրարից տարբեր, բայց հավասարապես կարեւոր ու արդիական պրեզենտացիաներ տեսնել: Ինձ համար հատկապես ներկայացման փուլն էր հետաքրքիր, քանի որ պետք էր տեղավորվել ձեւաչափի մեջ, հետաքրքիր լինել հանդիսատեսի համար»,- ասում է Զառա Բաթոյանը:

ՊեչաԿուչա երեկոյին պետության կողմից որպես հաղորդակցության միջոց մեդիայի կիրառման մասին ներկայացում էր պատրաստել նաեւ Արդարադատության փոխնախարար Արամ Օրբելյանը:

«Բավական հետաքրքիր էր թե՛ թեման, թե՛ ձեւաչափը, որը սահմանափակում է երկար խոսելու հնարավորությունը եւ ստիպում է բավական կարճ ժամկետում ինչ-որ մի թեմայի  վերաբերյալ, որ ժողովրդին կարող է հետաքրքրել, տեղեկատվություն տրամադրել, պարզաբանել, բացատրել», – ասում է Արամ Օրբելյանը:

Լրագրող Անի Հովհաննիսյանի ներկայացումը անանուն, անհասցե եւ անհայտ ծագման լրատվական կայքերի մասին էր: Թեեւ լրագրողը ՊեչաԿուչա երեկոն ընդհանուր առմամբ հաջողված է համարում, կարծում է, որ պակասում էին հիմնախնդիրների մասին ներկայացումները:

«Կուզենայի, որ ՊեչաԿուչայի ընթացքում ոչ թե յուրաքանչյուրը գար իր արածը ներկայացներ, այլ ավելի շատ բարձրաձայնվեին մեդիայի ընդհանուր խնդիրները»,- ասում է Անի Հովհաննիսյանը:

ՊեչաԿուչան պրեզենտացիայի պարզ ֆորմատ է, որը ստեղծվել է Ճապոնիայում 2003 թվականին: Այն թարգամանաբար նշանակում է «ասել-խոսել», «շաղակրատել» կամ «բլա-բլա-բլա»: ՊեչաԿուչայի ընթացքում ցուցադրվում է 20 պատկեր յուրաքանչյուրը 20 վայրկյան տեւողությամբ: Պատկերներն իրար հաջորդում են ավտոմատաբար, իսկ ներկայացնողը խոսում է պատկերների փոփոխվելուն զուգահեռ:

ՊեչաԿուչա երեկոներ Երեւանում կազմակերպվում  են 2010 թվականից՝ «Ակումբ»-ի համահիմնադիր Վահե Բալուլյանի գլխավորությամբ: 
«Ես էլ թերթ չեմ…» Պեչակուչայի բոլոր ներկայացումները կարող եք գտնել այստեղ:

Աննա Բարսեղյան


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *