Վերջերս տառապում էի անքնությունից: Գիշերը միացրեցի հեռուստացույցը (չեմ հիշում՝ որ ալիքն էր) եւ ապշեցի՝ էկրանին ինչ-որ ֆիլմից մի «քարացած» կադր էր (ստոպ կադր): Մոտ 15 րոպե շարունակ: Տպավորություն կար՝ գիշերային եթերի պատասախանատուն կա՛մ քնել էր, կա՛մ էլ նրան այնքան էլ չէր հետաքրքրում, թե ինչ է կատարվում էկրանին:

Որոշեցի դիտարկել Երեւանում հեռարձակվող տեղական հեռուստաընկերությունների գիշերային եթերը: Հոկտեմբերի 19-ին կեսգիշերից հետո եթերում այսպիսի պատկեր էր:

00:45 «Արմենիա». Հաղորդում՝ նվիրված երգիծաբան Վարդան Պետրոսյանին

00:55 «Երեւան». Գեղարվեստական ֆիլմ

01:00 «Շողակաթ». «Եկեղեցական կյանք» հաղորդում

01:15 «Դար 21». Երաժշտական տեսահոլովակներ

01:20 «Շանթ». «Աստղիկ» մանկական երգի նախագիծ

01:25 «Ար». Արտաճանապարհային ավտոմեքենանների մրցավազքի մասին հաղորդում

01:30 «Արմնյուզ». «Բանաձեւ»-ի կրկնությունը երգիչ Արտավազդ Թունջբոյաջյանի հետ

01:35 Հ1. «Ազատ գոտի» հաղորդման կրկնություն

01:35 ATV. Գեղարվեստական ֆիլմ

02:00 «Երկիր Մեդիա». «Մամուլի Ակումբ» հաղորդում

02:00 «Լայմ». «Hot Lime»

02:05 «Կենտրոն». «Էպիկենտրոն» լրատվական ծրագրի երեկոյան թողարկման կրկնություն

02:15 «Արմենիա». «Դժվար ապրուստ» սերիալ

02:30 «Երկիր Մեդիա». «Երկիրն այսօր» լրատվական ծրագրի երեկոյան թողարկման կրկնություն  

02:35 հ2. «Լրաբեր» լրատվական ծրագրի երեկոյան թողարկման կրկնություն

02:40 «Երեան» .«Կարծիքների խաչմերուկ» հաղորդման կրկնություն

02:50 «Երկիր Մեդիա». «Արարատյան խոհանոց» ծրագրի կրկնություն

02:55 «Շանթ». «Կանխիկ հումոր» հաղորդման կրկնություն  

Գիշերային եթերում ինձ համար հատկապես անհասկանալին «Շանթ»-ի եթերում կեսգիշերից հետո մանկական երգի մրցույթի հեռարձակումն էր:

Դիտարկածս գիշերային երկու ժամերի ընթացքում եթերում ըստ ժանրերի տեսա. 

Քանակ	Ժանր	Հեռուստաընկերություն
5	Հարցազրույց, բանավեճ	«Արմենիա», «Արմնյուզ», Հ1, «Երկիր Մեդիա», «Երեան»
3	Երաժշտական հաղորդում	«Դար 21», «Շանթ», «Լայմ»
3	Լրատվական ծրագիր	«Կենտրոն», «Երկիր Մեդիա», հ2
2	Գեղարվեստական ֆիլմ	«Երեան», ATV
1	Սպորտային ծրագիր	«Ար»
1	Ժամանցային ծրագիր	«Շանթ»
1	Ճանաչողական ծրագիր	«Երկիր Մեդիա»

«Երկիր Մեդիա»-ով Վարդան Օնանյանի պատմական հեռուստածրագիրն էր ընթանում, «Կենտրոն»-ն էլ կրկին«Էպիկենտրոն»լրատվական երեկոյան թողարկումն էր ցուցադրում: Ժամը 4-ից հետո իրենց ծրագրերի հեռարձակումը ավարտել էինհ2-ը, «Երեւան»-ը եւ «Շողակաթ»-ը:Գիշերային եթերը գրեթե նույնն էրհոկտեմբերի 20-ին:

Օրինակ`ժամը 04.10-ին «Արմենիա»-ն ցուցադրում էր «Վիա Գրա»խմբի համերգը, «Շանթ»-ով սերիալ էր, «Ար» -ով դերասան Բորիս Պեպանյանի մասին հաղորդում էր, ATV-ն ինչ-որ արտասահմանյան ֆիլմ էր ցուցադրում, Հ1-ով հայկական գեղֆիլմ էր Միքայել Պողոսյանի մասնակցությամբ, «Լայմ»-ով Սթինգի համերգն էր, «Արմնյուզ»-ով «Աշխարհի վերջը գուժող 7 նշաններ»անվանումով դոկումենտալ ֆիլմ էր:

Գիշերային դիտարկումներիս հիման վրա մի քանի եզրահանգում արեցի.

• Գիշերային հեռուստաեթերը գրեթե չի տարբերվում ցերեկայինից: 
• Չկան գիշերային ժամերի համար ստեղծված հատուկ ծրագրեր: 
• Առավելեւս չկան գիշերային հեռուստահաղորդավարներ:  

Ու նաեւ նոր ձեւաչափի պակաս կա: Գիշերային հեռուստադիտողը ավելի պահանջկոտ է. ցերեկային ծրագրերի անվերջ կրկնությունը չի կարող բավարարել գիշերը արթուն մնացող հեռուստադիտողին:

Տիգրան Հովհաննիսյան

Սյունակում արտահայտված մտքերը պատկանում են հեղինակին եւ կարող են չհամընկնել media.am-ի տեսակետների հետ: