Տնտեսական քաղաքականության հետազոտական կենտրոնը (EPRC) հրավիրում է մասնակցելու «Քաղաքացիական հասարակության կազմակերպությունների ակտիվացում ուսուցման և ներառական գործառնական ցանցի միջոցով» ծրագրին:

Նպատակը երկարաժամկետ համագործակցությունն ու փորձի փոխանակումն է Հայաստանի և Վրաստանի հասարակական կազմակերպությունների, հետազոտող կազմակերպությունների, անհատների միջև, ուժեղացնելու ոչ պետական կառույցների ներուժն ու հնարավորությունները։

Հիմնական  ուղղություններն են տվյալների վերլուծությունը, թվային մեդիա հաղորդակցությունը և հետազոտությունների արդյունքների փոխանակումը հանրության համար մատչելի հաղորդագրությունների միջոցով։

Մասնակիցները կզարգացնենք մեդիա հաղորդակցության, պատմություններ պատմելու, տվյալների բաց աղբյուրներից օգտվելու իրենց հմտությունները։ Նրանք կսովորեն ինչպես մատչելի դարձնել հաղորդագրությունները և վիզուալիզացնել տվյալները, որպեսզի իրազեկվածությունն ու հանրային վստահությունն իրենց կազմակերպությունների հանդեպ աճի։

Ծրագրի ընթացքում մասնակիցները կաշխատեն բլոգերի և հրապարակումների վրա, որոնք վերաբերում են իրենց նախընտրած սոցիալական խնդիրներին: Հեղինակներին կտրամադրվի հոնորար հետազոտական հրապարակումների համար:

Ծախսերը հոգում է կազմակերպող կողմը։ Հայտատուն պետք է լինի հասարակական կազմակերպության, քաղաքացիական հասարակության կազմակերպությունների կամ որևէ լրատվամիջոցից, որը աշխատում կամ հետաքրքրված է կայուն տնտեսական և սոցիալական զարգացմամբ, գենդերային հարցերով և տնտեսությամբ, ինչպես նաև միգրացիայի թեմաներով։

Մասնակցության համար անհրաժեշտ է ներկայացնել ինքնակենսագրական, հետաքրքրության նամակ և մեկ երաշխավորություն (անունը, էլեկտրոնային հասցեն, հեռախոսահամարը)։

Հայտերը պետք է ուղարկել մինչև հունվարի 24-ը, անգլերեն լեզվով  [email protected] հասցեով։