Մեդիա նախաձեռնությունների կենտրոնը դանիական IMS (International Media Support) կազմակերպության հետ համատեղ հայտարարում է գենդերային հավասարության խնդիրների վերաբերյալ անդրսահմանային հետաքննությունների գաղափարների մրցույթ Արևելյան գործընկերության երկրներում աշխատող կին լրագրողների համար։
Մրցույթի թեմաները և մասնակցության պայմանները մանրամասն կներկայացվեն առցանց խորհրդատվական հանդիպման ընթացքում։
Այն կվարի Հետաքննող լրագրողների համաշխարհային ցանցի (Global Investigative Journalism Network) տնօրենների խորհրդի անդամ Օլեգ Խոմենոկը։
Հանդիպում կկայանա սեպտեմբերի 8-ին, ժամը 17:00-ին (Երևանի ժամանակով)։ Մասնակցելու համար անհրաժեշտ է նախապես գրանցվել հետևյալ հղումով։
Մրցույթն իրականացվում է «Հետաքննող կին լրագրողների ցանցի ստեղծում» ծրագրի շրջանակում Դանիայի Թագավորության արտաքին գործերի նախարարության աջակցությամբ:
