Վ. Բրյուսովի անվան պետական համալսարանի «Լրագրություն» մագիստրոսական կրթական ծրագրով ընդունելություն

Եթե ցանկանում ես դառնալ մրցունակ մասնագետ լրագրության և մեդիա հաղորդակցութության ոլորտներում, ձեռք բերել տեսական գիտելիքներ և նոր մեդիագործիքներով աշխատելու գործնական հմտություններ, ստեղծագործող ես և սիրում ես նորարարություններ, ուրեմն դիմի՛ր Վ. Բրյուսովի անվան պետական համալսարանի «Լրագրություն» մագիստրոսական կրթական ծրագրին։

Մագիստրոսական կրթական ծրագրով ուսուցումը հիմնված է տեսության և պրակտիկ հմտությունների զարգացման վրա։ Դասերը կազմակերպվում են համալսարանում և գործընկեր լրատվամիջոցների և մեդիա կազմակերպությունների խմբագրություններում։ Ուսման ավարտին սովորողները պատրաստ կլինեն կիրառել ստացած գիտելիքները և հմտությունները իրական մեդիայում՝ որպես նոր մեդիա միջավայրում մրցունակ մասնագետներ։

Մագիստրոսական կրթական ծրագրի դասավանդող բոլոր դասախոսները մեդիայի տարբեր ուղղությունների և կրթական գիտությունների փորձառու մասնագետներ են: Նրանք օգնում են ուսանողներին բացահայտել իրենց կարողությունները և տարբեր գաղափարներ դարձնել որակյալ մեդիաարտադրանք: 

 «Լրագրություն» մագիստրոսական կրթական ծրագիրը հնարավորություն է տալիս սովորել՝

 ընտրել օրվա ինֆորմացիոն առաջնահերթությունները և ստեղծել մուլտիմեդիա բովանդակություն

  • օգտագործել առցանց գործիքներ՝ ներառյալ տվյալների շտեմարաններ, հավաքագրել, դասակարգել և վերլուծել ստացած տեղեկությունները 
  • վիզուալացնել տվյալները և դրանք լսարանին ներկայացնել ընկալելի և պատկերավոր, աշխատել Google աղյուսակներով, հասկանալ HTML և CSS լեզուները
  • ստեղծել ձայնային պատումներ (audio storytelling). գրել աուդիոպատումի սցենար, կառուցել  գրագետ փոդքասթային դրվագ (էպիզոդ), հրապարակել և տարածել փոդքասթը (հոսթինգ և սթրիմիգ) համապատասխան հարթակներում և ծառայություններում
  • ֆոտոպատմություններ ստեղծելու սկզբունքներն ու առանձնահատկությունները. պատմել պատմություններ կադրերով, գրագետ կիրառել լույսը և ստվերը, մշակել և խմբագրել լուսանկարները, հասկանալ պատկերային մանիպուլյացիաների թույլատրելի և անթույլատրելի կողմերն ու հետևանքները 
  • ստուգել փաստերը և տվյալները ժամանակակից մեթոդներով և գործիքներով
  • ստեղծել մեդիա բովանդակություն օտար լեզվով
  • իրականացնել հետազություններ` լրատվամիջոցների գործունեությունը և անհատական մեդիա նախագծերը գնահատելու համար։

Հայտերի ընդունման վերջնաժամկետն է օգոստոսի 30-ը:

«Լրագրություն» կրթական ծրագրի և դասընթացների մասին մանրամասն տեղեկություններին կարելի է ծանոթանալ այստեղ։

Դիմի՛ր հիմա։  Դարձի՛ր մրցունակ մասնագետ նոր մեդիա միջավայրում։

Հարցերի դեպքում զանգահարել (+374 60) 830 111/2-62 հեռախոսահամարով կամ գրել հետևյալ էլ. փոստին՝ [email protected]։


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *