Մենք՝ լրագրողներս, աշխատում ենք հսկայական ծավալի տեղեկատվության հետ, դրանից դուրս բերում կարևորը, միաժամանակ ստեղծում նոր գաղափարներ, պատմություններ, անցկացնում ենք հանդիպումներ ու հեռախոսազանգեր:
Բարեբախտաբար, այս ամենը հիշելու կամ նոթատետրերում գրելու կարիք 21-րդ դարում չկա. գոյություն ունեն հեշտ օգտագործվող հավելվածներ, որոնք պարզեցնում են մեր աշխատանքի կազմակերպչական մասը:
Ահա գրառումներ անելու 3 նոր հավելվածներ, որոնք օգտակար են մեդիա աշխատակիցների, մասնավորապես՝ լրագրողների համար:
Այս հավելվածի մեջ կարող եք հավաքել բոլոր գաղափարներն ու հղումները, որոնք ձեզ անհրաժեշտ են հոդվածի կամ ռեպորտաժի պատրաստման համար:
Հավելվածը օգտատերերին հնարավորություն է տալիս տեսակավորել նմանատիպ նշումներն ու հիպերհղումները և ստեղծում է հեշտ դիտարկվող բազմաստիճան ցուցակներ: Անգլերեն և ռուսերեն տեքստերի դեպքում այն անգամ կարողանում է առանձնացնել բոլոր նշումների ու հղումների հիմնական ասելիքը:
Dynalist-ը նաև թույլ է տալիս վերբեռնել և կցել պատկերներ և այլ ֆայլեր ձեր նշումներին:
Այն հասանելի է Windows-ի, Mac-ի, iOS-ի, Android-ի և Linux-ի համար: Հավելվածն ունի անվճար տարբերակ, իակ վճարովի տարբերակները սկսում են ամսական 7,99 դոլարից:
Այս հավելվածը օգտակար կլինի ոչ միայն լրագրողների, այլև՝ խմբագիրների համար:
Ծրագիրը թույլ է տալիս կիսվել նշումներով այլ անձանց հետ, նրանց համար առաջադրանքներ գրել ու հետևել դրանց կատարմանը:
Craft Docs կարող եք ներբեռնել նաև ձայնագրություններ ու տեսանյութեր, ինչի շնորհիվ հեշտանում է դրանք համաժամանակյա ռեժիմում սղագրելու հնարավորությունը:
Այն առանձնանում է իր դիզայնով և հարմար է բոլոր նրանց համար, ովքեր հոգնել են տեքստերը սպիտակ թղթին գրելուց:
Craft Docs-ը հասանելի է Windows-ի, Mac-ի, Android-ի և iOS-ի համար: Արժեքը՝ 5 դոլար ամսական բաժանորդագրության համար:
Այս հավելվածը համարվում է ամենաանվտանգներից մեկը: Լրագրողներն այս հավելվածին են վստահում զգայուն տեղեկատվություն:
Joplin-ը ունի բոլոր ֆունկցիաները, ինչպես նախորդ հավելվածները, բայց և առանձնանում է հիշեցնելու առավելությամբ: Ծրագիրը հնարավորություն է տալիս նշումները դասակարգել ըստ կարևորության ու վերջնաժամկետների ու պարբերաբար հիշեցնում է, որ դրանք կատարելու ժամանակն է: Այն հարմար է նաև կատարվելիք հեռախոսազանգերի ու հանդիպումների մասին հիշեցնելու համար:
Joplin-ը հասանելի է Windows-ի, Mac-ի, Linux-ի, Android-ի և iOS-ի համար: Հավելվածն այս պահին անվճար է: Ունի նաև վճարովի տարբերակ, որտեղ ավելի մեծ հիշողություն կա և ֆայլերը Joplin Cloud-ում պահպանելու հնարավորություն:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: