Հայաստանում օրենքն արգելում է անձի վերաբերյալ սեռի հատկանիշով պայմանավորված վիրավորական և նվաստացուցիչ հրապարակային հայտարարություն անելը, ներառյալ` զանգվածային լրատվության միջոցներով։
Սակայն այսօր հանրային խոսքում, կենցաղում, սոցիալական ցանցերում, լրատվական կայքերում, ֆիլմերում և այլ հարթակներում շարունակում են սեքսիստական արտահայտություններ տարածվել։
Պատճառներից մեկն այն է, որ մարդիկ շատ դեպքերում չեն ճանաչում սեքսիզմը, հետևաբար չեն կարողանում կանխել դրա տարածումը։ Այն հաճախ է ընկալվում նաև որպես նորմա ու քողարկված է։
ՕքսԵՋեն հիմնադրամի կողմից «Կանայք քաղաքականության մեջ» ծրագրի շրջանակներում պատրաստվել է ձեռնարկ-ուղեցույց, որն օգնում է ճանաչել սեքսիզմի դրսևորմանը տարբեր ձևերն ու տարածման հարթակները և առաջարկում դրա դեմ պայքարի միջոցներ և եղանակներ։
Ուղեցույցը ստեղծվել է աջակցելու լրագրողներին, լրատվամիջոցների ղեկավարներին, հանրային և քաղաքական գործիչներին, պատգամավորներին և պետական պաշտոնյաններին, բլոգերներին, սոցիալական ցանցերում մեծ լսարան ունեցող օգտատերերին, որպեսզի նրանք տարբերակեն և չտարածեն սեռով պայմանավորված վիրավորական արտահայտություններ հանրային կյանքի բոլոր ոլորտներում, տեղեկատվական դաշտում և համացանցում:
Առաջարկում ենք անցնել «Ստուգիր թե որքանով է միտքդ ազատ սեքսիզմից» թեստը, որը կազմվել է «Սեքսիզմի դրսևորումները հանրային տիրույթում և խոսքում» ձեռնարկի նյութերի օգնությամբ։
«Կանայք քաղաքականության մեջ» ծրագիրն իրականացվում է ՄԱԿ-ի Զարգացման ծրագրի կողմից, ՀՀ տարածքային կառավարման և ենթակառուցվածքների նախարարության և ՕքսԵՋեն հիմնադրամի հետ համագործակցությամբ, Միացյալ Թագավորության «Լավ կառավարման հիմնադրամի» աջակցությամբ:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: