Մինչ ամառ նախատեսվում է նոր հրեական միջազգային լրատվական հեռուստաալիքի բացում «i24 news» անվամբ, որը կհեռարձակվի երեք լեզուներով` անգլերեն, ֆրանսերեն և արաբերեն:
«Հեռուստաալիքը նպատակ ունի նոր տեսանկյունից ներկայացնել հրեական հասարակության գոծունեությունն իր բոլոր կողմերով` եղած բացը լրացնելու համար»,- ասել է հեռուստաընկերության գլխավոր տնօրեն Ֆրանկ Մելուլը:
Նոր տեղեկատվական ալիքը համաշխարհային անցուդարձը կհեռարձակի Միջին Արևելքի սրտից` Ջաֆա նավահանգստային գոտուց, որը մայրաքաղաք Թել–Ավիվի տարածքում է:
Հեռուստաալիքի անվանումն իր մեջ պարունակում է երեք կարևոր բաղադրիչներ. i-ն ներկայացնում է այն ամենատարբեր որակները, որոնք բնութագրում են ալիքը` international(միջազգային), independence(անկախություն), information(տեղեկատվություն), individu(անհատ), innovation(նորություն), interactivite(փոխհամագործակցություն), 24-ը`շուրջօրյա հեռարձակում և news-ը`լուր:
Նոր հեռուստալիքը հավակնում է մրցակցության մեջ մտնել այնպիսի լրատվական հեռուստալիքների հետ ինչպիսիք են`«France 24» և «Al Jazzira»-ն:
«i24 news»-ը կունենա նաև իր ինտերնետային կայքը երեք լեզուներով, որը հեռուստաալիքի պարունակությունն ամբողջությամբ կառաջարկի այցելուին` i24news.tv հասցեում:
Հեռուստաալիքն իր արտադրանքը կներկայացնի հրեական Middle East News ընկերության միջոցով:
«i24 news»-ի ֆինանսավորումը կատարել է ֆրանս- իսրայելական գործարար Պատրիկ Դրահին, որը Ֆրանսիայում հայտնի «Numericable» և Իսրայելում «Hot» ընկերությունների` հեռուստաալիքների ու բջջային հեռախոսների ցանցի գլխավոր սեփականատերն է:
Պատրաստեց` Մետաքսե Պետրոսյանը
Ըստ` Ֆրանսպրեսի նյութերի
