Ուկրաինական liga.net կայքի գլխավոր խմբագիր Յուլյա Բանկովայի կարծիքով միջազգային լրահոսում ուկրաինացի լրագրողների տեսանկյունից գրված լուրերի պակաս կա։ «Մենք այս պատերազմը հետևում ու լուսաբանում ենք ավելի քան ութ տարի, գիտենք՝ ինչպես է սկսել, ինչ է տեղի ունեցել այդքան տարիների ընթացքում»,- ասում է Յուլյան։
Խոսելով ռուս-ուկրաինական պատերազմի ժամանակ ուկրաինացի լրագրողների աշխատանքի մասին, խմբագիրը երկու կարևոր կետ է առանձնացնում՝ «մնալ լրագրող ու քո երկրի քաղաքացի, միաժամանակ դիմակայել ներքին ու արտաքին՝ ռուսական պրոպագանդաներին»։
