Հրապարակախոս Մհեր Արշակյանը կարծում է, որ ընտրողի հետ խոսակցությունը լինելու է պոպուլիստական, իսկ պոպուլիզմով այսօր չես զարմացնի.
«Հիմա այնպիսի իրավիճակ է, որ լրագրողը ոչ թե պետք է գնա արձանագրված բախման հետևից, այլ ինքը ստեղծի այդ բախումը՝ տարբեր ուժերին հասցնելով խնդրահարույց մտքերը»:
Մեծ հաշվով ընտրության պրոցեսը ձանձրալի է և որքան էլ նոր իշխանությունները տրամադրված լինեն անցկացնել իդեալական ընտրություններ, ըստ Մհերի՝ մենք ինքներս հոգեբանորեն դրան պատրաստ չենք:
«Ընտրողը մեծ հաշվով չի հասկանալու, թե ինչու է գնալու ընտրատեղամաս»,- ասում է նա:
Մհեր Արշակյանը վստահ է, որ լրագրողներն արդեն պետք է մոռանան հեղափոխության մասին ու աշխատեն սովորական ռեժիմով:
Մանավանդ, որ տեսնում են իշխանության հրեշացում, երբ «կառավարության որոշ ներկայացուցիչներ պահում են իրենց՝ իրավիճակը հարյուր տոկոսով վերահսկողների նման»:
Գեղամ Վարդանյան
