Հայաստանում դոլարը սկսել է էժանանալ մայիսին և իր պիկին է հասել հունիս 20-ին՝ վաճառվելով 412 դրամով։ Ազդող հիմնական գործոնները ռուս-ուկրաինական պատերազմի հետևանքով Հայաստան ռուսների հոսքն է և օտարերկրյա տրանսֆերտների աճը։
Թեև պետական կառավարման համակարգի տնտեսական բլոկի պատասխանատուները բնական են համարում դոլարի էժանացումը և նշում, որ սպեկուլյացիաներ չկան, բայց շարքային քաղաքացիների վարքագիծն այլ բան է ցույց տալիս։
Նրանք մտավախություն ունենալով, որ դոլարը ավելի կէժանանա, շտապում են փոխանակել իրենց ունեցած դոլարը՝ կրկին ազդելով դրա էժանացման վրա։
Այս լուսանկարն արվել է երևանյան սուպերամարկետներից մեկում գտնվող փոխանակման կետում։
«Հարգելի հաճախորդներ, փոխարժեքների տատանումների հետ կապված խնդրում ենք զսպել ձեր հույզերը և հոգեկան ապրումները, մենք նույնպես ցնցադեպի (շոկի) մեջ ենք»,-գրված է մարդկանց ուղղված գրության մեջ։
Սա մի օրինակ է, որ ֆինանսական կազմակերպությունների աշխատանքն իր վրա է վերցնում մասնավոր բիզնեսը և բացատրում պարզ, հասկանալի, նաև էմոցիոնալ։
Ի դեպ, ցնցադեպ բառը այս կոնտեքստում օգտագործելը սխալ է, որովհետև բնութագրում է ոչ թե շոկը, այլ սենսացիան։
Գայանե Ասրյան
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: