«Whatsapp ունե՞ս», «Viber-դ ո՞ր համարով ես գրանցել», «արի երեկոյան սկայպով խոսենք», «չեքին կլինենք, տեղներս կիմանաս, կմիանաս մեզ» ձեւակերպումների աշխարհում արդեն չենք էլ հիշում, որ ընդամենը ոչ վաղ անցյալում նամակագրության և ընդհանրապես հաղորդակցման առումով շատ կարեւոր բան էր փոստային հասցեն: Ինչ որ ժամանակ՝ անփոխարինելի:
Այս ժանգոտ, տառերը վրայից մասամբ ջնջված ցուցանակը գտնվում է Երևանի Դեմիրճյան փողոցի շենքերից մեկի պատին, ու կարծես փորձում է հաղթել ժամանակին:
«Ձեր փոստային հասցեն՝ Երևան 19, որից հետո նշեցեք փողոցը, շենքի, շքամուտքի և բնակարանի համարը: Հաղորդեք ձեր հասցեն նրանց, ում հետ ունեք նամակագրություն»: Ժամանակին շատ անհրաժեշտ այս հուշումը այլևս կորցրել է իր իմաստն ու նշանակությունը:
Whatsapp ունե՞ք…
