2012.11.30,

Քննադատ

Հայաստանյան ցանցային մամուլի տեխնիկական բնութագիրը

author_posts/samvel-martirosyan
Սամվել Մարտիրոսյան
twiterfacebook

Մեդիա հետազոտող

Հայաստանյան եւ հայկական ցանցային մեդիա դաշտի վերաբերյալ մի շարք տեխնիկական հարցերը համակարգվեցին մի քանի աղյուսակի մեջ. ի՞նչ համակարգեր են օգտագործվում, որտե՞ղ են հոսթինգները եւ ո՞ր դոմենային տիրույթներում են գրանցված։

Դիտարկվել է Circle.am «Լուրեր եւ լրատվամիջոցներ» բաժնի 80 կայք, ինչպես նաեւ 9 լրատվական կայք, որոնք ընդգրկված չեն այնտեղ՝ Panarmenian.net, Մեդիամաքս, «Ազատություն» ռադիոկայան, Times.am, Arminfo, Analitika.at.ua, Voskanapat, Review ամսագիրը, Media.am։

Ի՞նչ Բովանդակության կառավարման համակարգեր (անգլերեն ասած՝ CMS) են օգտագործվում ցանցային մաուլում։ Մեկ-երկու տարի առաջ դաշտում շատ մոդայիկ էր WordPress բլոգային հարթակը, որը ձեւափոխումներից հետո թույլ է տալիս կառուցել բավական արդիական եւ բազմաֆունկցիոնալ կայք։

Այսօր դիտարկված 90 կայքից 20-ը շարունակում են օգտագործել WordPress՝ չնայած, որ, օրինակ, «Հետքը» եւ «Ասեկոսե», որոնք դեռ երկու տարի առաջ WordPress-ի վրա էին, այսօր անցել են արտադրող կազմակերպությունների կողմից ստեղծված փակ համակարգերին։

Ucoz համակարգը, որը Հայաստանում լայն տարածում ունի, դուրս է մղվել լրատվական դաշտից. այստեղ հիմա միայն Ուկրաինայի հայկական համայնքի Analitika.at.ua կայքն է։ 

CMS Կայքերի քանակը
WordPress 20
Drupal 4
Joomla 4
1С-Битрикс 1
Ucoz 1
Անհատական համակարգեր 59

Հոսթինգների հարցում լրատվականները քիչ են վստահում Հայաստանում գտնվող ձեռնարկություններին. 89 կայքից միայն 17 է տեղադրված հայաստանյան սերվերների վրա։

Դոմենային տիրույթների բաշխումը Հայաստանի ազգային դոմեյնի հանդեպ մեծ վստահության մասին է վկայում:

Դոմեյն Կայքերի քանակը
.am 62
.com 14
.ru 4
.tv  4
.org 2
.info 2
.ua 1

Սամվել Մարտիրոսյան

Սյունակում արտահայտված մտքերը պատկանում են հեղինակին եւ կարող են չհամընկնել media.am-ի տեսակետների հետ:


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *