Եթե 16-24 տարեկան ես, փնտրում ես տպավորություններ, զգացողություններ, տեղ ու միջավայր՝ շփվելու, կիսվելու, բացահայտելու ինքդ քեզ և ուրիշներին, արի ԹելInk ճամբար։ Այստեղ սովորելու ենք հյուսել պատմություններ՝ օգտագործելով մեդիայի հնարքներն ու գործիքները։
Ճամբարը կազմակերպում են ՅՈՒՆԻՍԵՖ-ը և Մեդիա նախաձեռնությունների կենտրոնը` Արցախից տեղահանված և նրանց ընդունող համայնքների երիտասարդների համար։
Այստեղ կսովորես․
- զարգացնել գաղափարներ, կազմել սցենարներ, կառուցել ազդեցիկ, ուշագրավ պատմություններ,
- կատարել ձայնա/տեսագրում և մոնտաժ՝ պարզ գործիքներով և հավելվածներով,
- ստեղծել տարբեր ֆորմատների և ոճերի պատմություններ (vlog, reel, ֆոտո/վիդեո օրագիր և այլն),
- մեծացնել օնլայն լսարանդ և գտնել համախոհներ թվային միջավայրում։
Ճամբարները կանցկացվեն 2026թ-ի հունիսին Հայաստանի տարբեր մարզերում, յուրաքանչյուրը 3 օր տևողությամբ։ Մասնակցությունն անվճար է։ Ճանապարհի ու կեցության ծախսերը հոգում են կազմակերպիչները։
ԹելInk-ի նախորդ ճամբարների հիման վրա ստեղծվել է Թելink. Ինչպես հյուսել պատմություններ թվային աշխարհում օնլայն կարճ դասընթացը։ Այն սթորիթելինգի բազային կանոնների և գործիքների մասին հուշումներով, խաղերով կիրառական դասընթաց է, և կօգնի ձեզ նախապատրաստվել ճամբարին։
Խնդրում ենք՝ գրանցվեք և անցեք այս դասընթացը, այնուհետև՝ լրացրեք ճամբարին մասնակցելու հայտը հետևյալ հղումով՝ Թելink ճամբարին մասնակցության հայտ
Հայտերի ընդունման վերջնաժամկետը հուլիսի 15-ն է։
Հարցերի կամ լրացուցիչ տեղեկությունների համար կարող եք դիմել Մեդիա նախաձեռնությունների կենտրոն, Նարինե Սաֆարյանին` [email protected] հասցեով:
Միավորելով պատմասացությունը, խաղն ու թվային գրագիտությունը՝ ԹելInk-ը ստեղծելու է անկաշկանդ, ապահով ու ստեղծագործ շփումների միջավայր Արցախից տեղահանված և նրանց ընդունող համայնքների երիտասարդների համար։
