Հանրային լրագրության ակումբը հրավիրում է աշխատաժողովի՝ «Ժողովրդավարական դիմակայունության ամրապնդում․ Հայաստան–Մոլդովա փորձը» թեմայով։
Սա պարզապես դասախոսություն չէ․ դուք կներգրավվեք ռազմավարական քննարկումներում՝ հետևյալ ուղղություններով.
- Prebunking. Ինչպե՞ս կանխել մանիպուլյատիվ թեզերը մինչև դրանց վիրուսային տարածումը։
- Անտեսանելի ազդեցություն. Ինչպե՞ս հետագծել «ստվերային» ֆինանսավորումը և կողմնակի դերակատարներին։
- Ինստիտուցիոնալ պաշտպանություն. Ինչպե՞ս պաշտպանել ԿԸՀ-ն և դատական համակարգը հիբրիդային հարձակումներից։
- Հետընտրական պատասխանատվություն. Ինչպե՞ս պահպանել հանրային վստահությունը քվեարկությունից հետո։
Դասընթացի փորձագետներն են․
Վլադիմիր Տհորիկ – հետաքննող լրագրող, RISE Moldova-ի խմբագիր։
Յուլիանա Վոլկովա – հետաքննող լրագրող, NordNews-ի գլխավոր խմբագիր։
Միջոցառմանը կմասնակցեն նաև առաջատար հայաստանյան փորձագետներ Երևանի մամուլի ակումբից, ՍիվիլՆեթից և CyberHUB-AM-ից։
Աշխատաժողովը տեղի կունենան մայիսի 23-ին, ժամը՝ 10:00 – 17:00, Հոլիդեյ Ինն Էքսպրեսս Երևան-ում (Բուզանդի 97/2): Աշխատոժողվի լեզուներն են հայերենը և ռուսերենը:
Գրանցման վերջնաժամկետը մայիսի 15 է։ Տեղերը սահմանափակ են։ Մասնակիցները կընտրվեն հայտերի հիման վրա:
Կարող են դիմել.
- Լրագրության և մեդիայի ոլորտի ուսանողներ,
- Ռազմավարական հաղորդակցության և մեդիագրագիտության մասնագետներ,
- Հետաքննող լրագրողներ,
- ՔՀԿ-ների և փաստերի ստուգմամբ զբաղվող նախաձեռնությունների ներկայացուցիչներ,
- Ժողովրդավարության և մեդիայի թեմաներով աշխատող հետազոտողներ ու վերլուծաբաններ,
- Ապատեղեկատվության դեմ պայքարով հետաքրքրված ակտիվ քաղաքացիներ:
Միջոցառումն իրականացվում է «Հայաստանի ժողովրդավարական դիմակայության ամրապնդում` Մոլդովայի փորձի ուսումնասիրությամբ» նախագծի շրջանակներում։ Այն հնարավոր է դարձել Գերմանական «Մարշալ» հիմնադրամ (ԱՄՆ) «Սևծովյան վստահություն՝ տարածաշրջանային համագործակցության համար» ծրագրի աջակցությամբ։
Հետադարձ կապ՝ Վիկտորյա Մելքոնյան, ՀԼԱ ծրագրերի և հաղորդակցության համակարգող, [email protected], +374 94 274727։
