Լեհական «praktycy.eu» կազմակերպությունը, միջազգային փորձագետների աջակցությամբ, Երևանում՝ Մեդիա նախաձեռնությունների կենտրոնի տարածքում (Արշակունյաց պող. 3, 3-րդ հարկ) կազմակերպում է վերապատրաստում լրագրողների և մեդիա ոլորտի մասնագետների համար։
Ինչ է ներառում ծրագիրը
- 2026թ․ ապրիլի 29-ին անցկացվող առկա աշխատարան Երևանում։
- Երկու լրացուցիչ առցանց հանդիպում (ներառյալ գործնական գործիքների կիրառման ուսուցումը)։
- Բացառիկ նյութեր՝ ուղեցույցներ, դեպքերի ուսումնասիրություն և ռեսուրսների ընտրանի, որոնք կտրամադրվեն էլեկտրոնային փոստով։
Ինչու մասնակցել
Այսօր ընտրությունները ձևավորվում են ապատեղեկատվության ազդեցությամբ։ Այս վերապատրաստումը ձեզ կզինի անհրաժեշտ գործիքներով, գիտելիքներով և միջազգային փորձով՝ ապատեղեկատվությունն արդյունավետորեն բացահայտելու և հաղթահարելու համար։
Ծրագիրը ձեզ կօգնի
- Ուսումնասիրել ապատեղեկատվության իրական գործողություններ ԵՄ երկրներում և դրանց սահմաններից դուրս։ Հասկանալ՝ ինչպես են դրանք գործում, ովքեր են կանգնած դրանց հետևում, և ինչու որոշ հակազդման մեխանիզմներ արդյունավետ են, իսկ մյուսները՝ ոչ։
- Բացահայտել, թե ինչպես է կեղծ տեղեկատվությունը տարածվում վիրուսներից էլ արագ, և սովորել հետևել, նույնականացնել ու վերլուծել դրա տարածման մեխանիզմները։
- Ստանալ գործնական գիտելիքներ՝ ձեր ամենօրյա լրագրողական գործունեության ընթացքում ապատեղեկատվությունը հայտնաբերելու, կանխելու և հակազդելու համար։
- Փոխանակել ձեր փորձը եվրոպացի գործընկերների հետ և ուսումնասիրել, թե ինչպես կարելի է համաշխարհային փորձը կիրառել հայկական համատեքստում։
Դիմելու համար լրացրեք հայտը։
Աշխատարանի ծրագիրը՝ հակիրճ
- Ինչպես է համատարած ապատեղեկատվությունը փոխել լրագրողների աշխատանքն ընտրարշավների ընթացքում
- Ինչպես է «զրոյից» ստեղծվել թեկնածու (Գեորգեսկուի դեպքը) և Ռումինիայում 2025թ․ ընտրությունների ընթացքում տարածված կեղծ քարոզարշավները
- Ինչպես լեհ հասարակությանը համոզեցին, թե Ուկրաինան ռմբակոծում է իրենց (ներառյալ՝ ալգորիթմների ազդեցությունը տեղեկատվության տարածման վրա)
- Չեխիա, Սլովակիա, Գերմանիա, Մեծ Բրիտանիա․ ապատեղեկատվական բարդ գործողությունների այլ օրինակներ Եվրոպայում
- Ապատեղեկատվության առանձնահատկությունները Հայաստանում
- Մեդիա հաղորդակցության հոգեբանական կողմերը ապատեղեկատվության դարաշրջանում
