Ինֆորմացիայի ազատության կենտրոնը Բաց կառավարման գործընկերության շրջանակում կազմակերպում է ԲԿԳ արժեքներին և հիմնախնդիրներին առնչվող լավագույն թեմատիկ նյութերի մրցույթ։
Մասնագիտական ժյուրիի կողմից հաղթող ճանաչված լրագրողները կստանան դրամական պարգև.
1-ին տեղի համար՝ 200.000 ՀՀ դրամ (ներառյալ հարկերը),
2-րդ տեղի համար՝ 100.000 ՀՀ դրամ (ներառյալ հարկերը),
3-րդ տեղի համար՝ 50.000 ՀՀ դրամի չափով (ներառյալ հարկերը)։
Լրագրողական նյութերը կարող են լինել 2021 թվականի մայիսի 10-ից 2022 թվականի մայիսի 10 ընկած ժամանակահատվածում հրապարակված աշխատանքներից։
Դրանք պետք է վերաբերեն Բաց կառավարման գործընկերությանը և ՀՀ ստանձնած հանձնառություններին կամ ԲԿԳ գործողությունների ծրագրերի իրականացման ընթացքին և արդյունքներին, ազդեցությանը, բացթողումներին և այլն։ նյութերի թեմաները կարող են ընդգրկել նաև ԲԿԳ արժեքները՝ տեղեկատվության ազատություն, հաշվետվողականություն, մասնակցություն, նորարարություն և այլն։
Նյութերը խնդրում ենք ուղարկել [email protected] հասցեին, նամակի վերնագրում գրելով «ԲԿԳ մրցույթ»։ Նամակում անհրաժեշտ է նշել։
- հրապարակված նյութի ամսաթիվը,
- վերնագիրը,
- նյութը հրապարակած լրատվամիջոցի անվանումը,
- հրապարակման հղումը,
- հեղինակի անուն, ազգանունը։
Նյութերի ներկայացման վերջնաժամկետը մինչև սույն թվականի մայիսի 21-ն է։
Հանդիպումն իրականացվում է Բաց կառավարման գործընկերության աջակցությամբ՝ ԵՄ-ի կողմից ֆինանսավովող «ԵՄ-ն հանուն բարեվարքության՝ Արևելյան գործընկերության համար» ծրագրի շրջանակներում։
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: