Եվրոպայի և Կենտրոնական Ասիայի հաղորդակցության մասնագետները կարող են իրենց հայտերն ուղարկել ամերիկյան ֆինանսավորմամբ «Թվային հաղորդակցության ցանցին»:
Արդեն մի քանի տարի է, ավելի քան 18 երկրների 50 մասնագետներ այս ծրագրի շրջանակներում ուսումնասիրում են թվային հաղորդակցության ուղիները և դրանց ազդեցությունը իրենց կյանքի որակի վրա՝ էլեկտրոնային կառավարման, մասնավոր հատվածի, սոցիալական շարժումների, մեդիայի միջոցով:
Նոր դասընթացի համար ընտրվելու են 16 մասնակիցներ, ովքեր 18 օր լինելու են Միացյալ Նահանգներում ծանոթանալու թվային նոր հնարավորություններին: Միջոցառումը տեղի կունենա սույն թվականի սեպտեմբերի 12-29-ը:
Դիմել կարող են հաղորդակցման մասնագետներն, ովքեր ունենան լրագրողական (ավանդական կամ ժամանակակից) կամ ձեռներեցության փորձ մեդիա, հաղորդակցման, ոչ առևտրային կազմակերպություններում, կառավարությունում կամ հասարակական շարժումներում։ Առաջնայնությունը տրվելու է այն մասնակիցներին, որոնք հետաքրքրված են զարգացնել իրենց արտադրանքն՝ օգտագործելով թվային հաղորդակցության նորագույն գործիքները:
Անհրաժեշտ պայմաններն են.
- Անգլերենի իմացություն
- Նվազագույնը 2 տարվա աշխատանքային փորձ համապատասխան ոլորտում
- Լայն և բազմազան լսարանին տեղեկատվության տարածման ունակություն
Հայտը պետք է լրացնել անգլերենով, դիմումների ընդունման վերջնաժամկետը 2018թ-ի մայիսի 12-ն է: Այլ մանրամասների կարող եք ծանոթանալ հետևյալ հղումով:
