Ժուռնալիստիկան ապագա մարտահրավերների համար (Journalism for Future Challenges) ծրագիրն այս տարի նորից բաց է մասնակցության համար:
Ծրագրին կարող են դիմել սկսնակ լրագրողներ Հայաստանից, Ադրբեջանից, Բելառուսից, Վրաստանից, Մոլդովայից կամ Ուկրաինայից, ովքեր ցանկանում են կատարելագործել իրենց հետաքննական կարողությունները՝ մասնագիտանալով կազմակերպված հանցավորության և կոռուպցիայի ոլորտում: Մասնակիցների համար սա նաև հնարավորություն է մեծացնել մասնագիտական կապերը, օգտագործել հետաքննական լրագրության ամենակենսուակ գործիքներն ու մեթոդները:
Մասնակցության համար պետք է սահուն տիրապետել գրավոր և բանավոր անգլերենի, ունենալ սեփական համակարգիչ, քանի որ տեղեկատվական անվտանգությունն այս դասընթացի կարևոր մաս է: Ընտրված մասնակիցները պետք է մասնակցեն բոլոր մոդուլներին:
Դասընթացն անցկացվելու է Լատվիայի մայրաքաղաք Ռիգայում երեք առանձին մոդուլներով՝ հունիսի 26-30, օգոստոսի 21-25, նոյեմբերի 27-դեկտեմբերի 1:
Ընտրվելու են մինչև 25 մասնակիցներ: Հայտերի ընդունման վերջնաժամկետը սույն թվականի մայիսի 12-ն է:
Ծրագրի այլ մանրամասների կարող եք ծանոթանալ այս հղումով:
