Հայաստանի Հելսինկյան կոմիտեն «Քայլ միասին» ծրագրի շրջանակում կազմակերպում է եռօրյա դասընթաց` մարդու իրավունքների և խտրականության թեմաների լուսաբանմամբ հետաքրքրված լրագրողների և լրատվամիջոցների ներկայացուցիչների համար:
Դասընթացի ավարտից հետո եռամսյա ժամկետում մասնակիցներից յուրաքանչյուրը պետք է պատրաստի 1-2 հոդված կամ 1 հեռուստառեպորտաժ` ներկայացնելու Հայաստանի Հելսինկյան կոմիտե:
Դասընթացն անց է կացվելու ապրիլ ամսին՝ մերձքաղաքային հանգստյան տներից մեկում: Դասընթացն անվճար է: Կփոխհատուցվի մարզերից եկողների մասնակիցների ճանապարհածախսը:
Հայտերն ընդունվում են մինչև ս. թ. մարտի 27-ը:
Հայտերն անհրաժեշտ է ուղարկել Հայաստանի Հելսինկյան կոմիտեի ծրագրերի օգնական Քրիստինե Խաչիկյանին հետևյալ հասցեով`[email protected]: Նամակի «Թեմա» դաշտում նշեք «Մարդու իրավունքների և խտրականության թեմաներով դասընթաց» և նամակին կցեք ինքնակենսագրականը (CV): Հարցերի դեպքում կարող եք զանգահարել 010 56 03 72 հեռախոսահամարով:
Նախապատվությունը տրվելու է մարզերում ապրող և աշխատող, ինչպես նաև մարդու իրավունքների և խտրականության թեմաներով դասընթացների չմասնակցած լրագրողներին:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: