«Թվային լրագրություն Կովկասի համար» ծրագիրը Հայաստանի, Վրաստանի, Ադրբեջանի փորձառու լրագրողներին հրավիրում է դասընթացների, որի ընթացքում նրանք ձեռք կբերեն իրենց պատմություները սոցիալական մեդիայում զարգացնելու հմտություններ:
Դասընթացների ժամանակ նրանք կսովորեն բացահայտել և գտնել նոր լսարաններ, գտնել սոցիալական մեդիայի իրենց համար լավագույն ցանցը, ստեղծել սեփական բրենդը, զարգացնել և իրականացնել սոցիալական մեդիայի ռազմավարություն:
Ծրագրին կարող են դիմել այն լրագրողներն, ովքեր հետաքրքրված են ինտերնետի ընձեռնած նորարար տեխնոլոգիական հնարավորություններով: Ինչպես նաև հասկանում են ժողովրդավարական հասարակություններում անկախ մեդիայի դերը:
Մասնակցության օնլայն հայտ կարող են ներկայացնել ինչպես խմբագրակազմերում, այնպես էլ ազատ գրաֆիկով աշխատող լրագրողները:
Աշխատանքային լեզուն անգլերենն է: Կազմակերպիչները հոգում են բոլոր ծախսերը: Ընտրվելու դեպքում մասնակիցները երկու անգամ կլինեն Թբիլիսիում, ինչպես նաև կանցնեն էլեկտրոնային ուսուցման փուլ:
Դիմումներն ընդունվում են սույն թվականի փետրվարի 4-ից մինչև փետրվարի 25-ը: Մնացած մանրամասներին ծանոթացեք այս հղումով:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: