Հայաստանի Հելսինկյան կոմիտեն կազմակերպում է «Մարդու իրավունքներ, խտրականություն, լրագրողական էթիկական սկզբունքներ» թեմաներով դասընթաց` մարզային և երևանյան լրատվամիջոցների ներկայացուցիչների համար:
Դասընթացը անցկացվելու է մերձքաղաքային հանգստյան տներից մեկում: Դասընթացն անվճար է: Կփոխհատուցվի մարզերից եկողների ճանապարհածախսը:
Դասընթացի մասնակցության համար դիմումներն ընդունվում են մինչև 2016 թվականի հոկտեմբերի 20-ը, ժամը`17:00-ը:
Դասընթացի ավարտից հետո մասնակիցներից յուրաքանչյուրը Հայաստանի Հելսինկյան կոմիտե ներկայացնելու համար պետք է պատրաստի հոդված` իրենց համայնքներում առկա մարդու իրավունքների խախտումների կամ խտրականության դրսևորումների վերաբերյալ:
Հետաքրքրված անձինք կարող են էլեկտրոնային նամակ ուղարկել Հայաստանի Հելսինկյան կոմիտեի հասարակայնության հետ կապերի մասնագետ Գոհար Ոսկանյանին` հետևյալ հասցեով` [email protected]: Նամակի «Թեմա» դաշտում նշեք «Մարդու իրավունքներ, խտրականություն, լրագրողական էթիկական սկզբունքներ» թեմայով դասընթաց և կցեք ինքնակենսագրականը (CV): Հարցերի դեպքում կարող եք զանգահարել 010 56 03 72 հեռախոսահամարով:
Նախապատվությունը տրվելու է այն լրագրողներին, որոնք չեն մասնակցել Հայաստանի Հելսինկյան կոմիտեի կողմից իրականացված նմանատիպ թեմայով դասընթացի:
