«Նոր սերունդ» մարդասիրական ՀԿ-ն հայտարարում է ԼԳԲՏԻ անձանց հարցերին առնչվող «Բազմազանություն-2016» ամենամյա լրատվական մրցույթ, որի նպատակն է միավորել ԶԼՄ-ների ներկայացուցիչների ներուժը ԼԳԲՏԻ անձանց հիմնախնդիրների լուսաբանման շուրջ և խրախուսել ոլորտի հիմնահարցերը բարձրաձայնող լրագրողներին:
Մրցույթին կարող են մասնակցել Երևանի և մարզերի լրատվամիջոցների ներկայացուցիչներն ու անկախ լրագրողները:
Մրցույթի մասնակցելու համար հարկավոր է.
- Ներկայացնել 2016 թվականի հունվարից 1-ից մինչև 2016 թվականի հոկտեմբերի 31-ը ներառյալ ԼԳԲՏԻ թեմաներով պատրաստած հեռուստահաղորդումներ, ռադիոհաղորդումներ, մամուլի հրապարակումներ և ինտերնետային պարբերականներում ներկայացված լրագրողական նյութեր:
- Նյութերում պետք է պահպանված լինեն լրագրողական էթիկան և հեղինակային մոտեցումը:
- Նյութի բովանդակությունը պետք է լինի հանրությանը մատչելի:
- Ընտրված թեման պետք է լինի սպառիչ և հարցի շուրջ պարունակի համակողմանի տեղեկատվություն:
- Նյութերը պարտադիր պետք է լինեն հայերեն (անգլերեն տարբերակը՝ ըստ ցանկության):
Ոլորտի մասնագետներից և լրագրող-փորձագետներից կազմված ժյուրին կընտրի մրցանակակիրներին, որոնք կպարգևատրվեն դրամական մրցանակներով:
Մրցույթի հաղթողը կստանա դրամական պարգև՝ 100,000 ՀՀ դրամ:
Ժյուրիի համակրանքին արժանացած ևս 2 նյութ կարժանանան խրախուսական մրցանակների:
Մասնակցության համար անհրաժեշտ է լրացնել դիմում-հայտ և այն նյութի հետ ուղարկել [email protected] էլէկտրոնային հասցեին: Տպագիր մամուլում կամ ինտերնետ պարբերականներում տեղադրված նյութերը կարող եք ուղարկել էլեկտրոնային տարբերակով: Դիմում հայտը կարող եք ներբեռնել այստեղ:
Դիմում հայտերի ընդունման վերջնաժամկետը 2016 թվականի նոյեմբերի 1-ն է (մինչև ժամը 18:00-ն):
Մրցույթի մանրամասներին կարող եք ծանոթանալ այստեղ:
