Մեդիա նախաձեռնությունների կենտրոնը վերահայտարարում է էմոտիկոնների ստեղծման մրցույթը՝ փոխելով մասնակցության պայմանները:
Հրավիրում ենք նկարիչ-դիզայներներին՝ ներկայացնելու էմոտիկոնների էսքիզներ, որոնք նախատեսվում է տեղադրել տարբեր լրատվական կայքերում: Էմոտիկոնները հնարավորություն կտան լսարանին վերաբերմունք արտահայտել մեդիա արտադրանքի՝ լուրերի, հոդվածների, ռեպորտաժների, հարցազրույցների, լուսանկարների, տեսանյութերի, լրագրողական այլ աշխատանքների նկատմամբ:
Հայտատուները պետք է հաշվի առնեն լրատվական դաշտի առանձնահատկություններն ու թեմաների բազմազանությունը (սոցիալ-քաղաքականից մինչև ժամանցային) էսքիզների ոճը, գունային լուծումներն ու չափսերն ընտրելիս։
Հաղթողը, մրցույթի կազմակերպիչների հետ համագործակցելով, կզարգացնի գաղափարը և իր ներկայացրած էսքիզների հիման վրա կպատրաստի էմոտիկոնների դիզայնի վերջնական և ամբողջական փաթեթը:
Մասնակցության համար պետք է ուղարկել՝
- Էմոտիկոնների դիզայնի 3 էսքիզ (հայտին կից հավելվածում ներկայացված է էմոտիկոնների թեմաների նախնական ցանկը. անհրաժեշտ է ընտրել դրանցից 3-ը կամ առաջարկել սեփական թեմաները)
- Գաղափարի լրացված հայտը
- Գնային առաջարկի լրացված հայտը
Լրացված 2 հայտերը, էմոտիկոնների օրինակները՝ PDF տարբերակով, ինչպես նաև հավելյալ ֆայլերն անհրաժեշտ է մինչև հունիսի 26-ը ուղարկել [email protected] էլ. հասցեին` նամակի թեմայում նշելով Emoticon բառը: Հարցերի դեպքում դիմել Արեն Մանուկյանին՝ 010 583620 հեռախոսահամարով:
Մրցույթն անցկացվում է «Մեդիան քաղաքացիների տեղեկացված մասնակցության համար» ծրագրի շրջանակում, որը համատեղ իրականացնում են Մեդիա նախաձեռնությունների կենտրոնը, Եվրասիա համագործակցություն հիմնադրամը և Ինտերնյուսը՝ ԱՄՆ Միջազգային զարգացման գործակալության ֆինանսավորմամբ։
