Բժիշկ, հեռուստատեսային հաղորդավար Վահե Տեր-Մինասյանն ասում է, որ նորմալ է, երբ կորոնավիրուսի թեման մարդկանց մոտ տագնապ և անհանգստություն է առաջացնում, ամենակարևորը խուճապ չտարածելն է:
«Չի կարելի գրել, որ Հայաստանում արդեն հայտնաբերվել է կամ այսքան մարդ վարակված է, թող գրեն, որ ստուգվում են մարդիկ: Թաքցնելն ամենավատն է: Բժշկական միֆեր դեռ չկան, նյութը նոր է, չեն հասցրել միֆեր տարածել»,- ասում է նա:
Նրա կարծիքով՝ խմբագրական կազմը պետք է զգոն լինի նման զգայուն թեմաներին անդրադառնալով, միշտ կարելի է հարցնել, կապ հաստատել նախարարության հետ և գտնել մասնագետներ։
«Ունենք կայքեր, որոնք ստանդարտ դեմքերի են հրավիրում, լուսաբանում, պարզ քաղաքական պատվեր են իրականացնում: Պետք է զգույշ լինել, այսօրվա ռեյտինգ հավաքած նյութը կարող է ինչ-որ մեկի կյանքն արժենալ»,- ասում է Վահե Տեր-Մինասյանը:
Գեղամ Վարդանյան
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: