Հունիսի 20-23-ը ԱՄՆ-ի Անահայմ քաղաքում VidCon կոնֆերանսն էր։ Յություբերների, վլոգերների ու սոցիալական մեդիայի այս տարեկան հավաքին 30 հազարից ավելի մարդ էր մասնակցում։ Գրադարանում-ը որոշեց որոշ ժամանակով դառնալ շրջիկ ու զրուցել հյուրերի հետ նոր միջավայրում:
Օուեն Վիդեո-ն ինքն էլ յություբեր է ու սոցիալական մեդիա դասընթացավար։ «Այստեղ մարդիկ մեդիա են։ Նրանք են նոր լրագրողները։ Վավերագրում են իրենց պատմությունները՝ Ինստագրամում, Սնափչաթում, ֆեյսբուքում»,- ասում է Օուենը։
Նրա կարծիքով սոցիալական մեդիայում կատարվող փոփոությունները հիմա ոչ թե հեղափոխական են, այլ էվոլյուցիեն։
Օուենն ասում է, որ Firefly ֆիլմից իի ամենասիրելի արտահայտություններից մեկը սա է` «Դուք չեք կարող կանգնեցնել ազդանշանը»։
«Երբ տեսնում ես ինչ-որ գեղեցիկ բան՝ երեխայի ծնունդը, թիթեռի, որը նստում է տերևին կամ ականատես ես լինում ավտովթարի, բռնության դեպքի, այդ պահին դառնում ես մեդիա։ Դու ես լուսանկարում, տեսանկարահանում։ Եվ ոչ ոք չի կարող դա կանգնեցնել»,- ասում է Օուենը։
Գրադարանի դարակում
Սոցիալական մեդիան բովանդակությունը տարածելու լավագույն միջավայրն է։ BuzzSumo-ն օգնում է խմբագիրներին հետևել, թե ինչ ինտենսիվությամբ են տարածվում իրենց կայքի հղումները, տեսնել, թե որոնք են նորաձև թեմաները։
