«Ճամպրուկ 2019» լրագրողական մրցույթն ընդունում է հայտեր

Միգրացիոն քաղաքականության մշակման միջազգային կենտրոնը, ԵՄ-ի կողմից ֆինանսավորվող «Աջակցություն Հայաստանին միգրացիայի և սահմանների կառավարման ոլորտներում» (MIBMA) ծրագրի շրջանակներում, Հայաստանում ՄԱԿ-ի փախստականների հարցերով գերագույն հանձնակատարի գրասենյակի և  «Վերադարձ Հայաստան» հիմնադրամի հետ համատեղ, հայտարարում է «Ճամպրուկ 2019» միգրացիայի ոլորտում ամենամյա լրագրողական մրցույթի անցկացման մասին:

Նպատակներ՝

Մրցույթի նպատակն է միավորել Երևանի և մարզերի ԶԼՄ-ների ներկայացուցիչների ներուժը միգրացիային և սահմանների կառավարմանն առնչվող հիմնախնդիրների լուսաբանման շուրջ, խրախուսել ոլորտի հիմնահարցերը բարձրաձայնող լրագրողներին:

Մրցույթին կարող են մասնակցել Երևանի և ՀՀ բոլոր մարզերի լրատվամիջոցների ներկայացուցիչները և անկախ լրագրողները:

Մասնակցության պայմաններ՝

  • Մրցույթին մասնակցելու համար անհրաժեշտ է ներկայացնել 2019թ. հունվարի 01-ից մինչև հոկտեմբերի 31-ը ներառյալ միգրացիային առնչվող, այդ թվում՝ ապաստանի, ՀՀ քաղաքացիների Հայաստան վերադարձի, վերաինտեգրման և առևտրի դյուրացման խնդրիրների շուրջ հեռարձակված հեռուստա և ռադիո հաղորդումները, տպագիր ու առցանց մամուլում լույս տեսած լրագրողական հոդվածները, նյութերը կամ հրատարակումները:
  • Ներկայացված բոլոր նյութերը պետք է համահունչ լինեն լրագրողական էթիկայի և հեղինակային իրավունքի պահանջներին:
  • Նյութերը կարող են ներկայացվել ռուսերեն, հայերեն և անգլերեն լեզուներով:
  • Յուրաքանչյուր լրագրող կարող է ներկայացնել մինչև երեք լրագրողական նյութ:

Չափանիշներ՝

Լրագրողական նյութերը կգնահատվեն համաձայն հետևյալ չափանիշների՝

  • Ոճային (ներկայացվող նյութի լեզուն, ոճը և ընթերցման մատչելիությունը),
  • Կառուցվածքային (թեմայի հետ կապված մեջբերումները, ամբողջականությունը և ճշգրտությունը, արժանահավատ և վստահելի աղբյուրները),
  • Բովանդակային (նյութի արդիականությունը, սոցիալական ուղղվածությունը և հանրային ազդեցությունը):

Ընտրություն՝

Ոլորտի մասնագետներից և լրագրող-փորձագետներից կազմված ժյուրին կընտրի  մրցանակակիրներ հետևյալ անվանակարգերում`

  • Լավագույն հեռուստառեպորտաժ միգրացիոն խնդիրների վերաբերյալ
  • Լավագույն ռադիոռեպորտաժ միգրացիոն խնդիրների վերաբերյալ
  • Լավագույն տպագիր հոդված միգրացիոն խնդիրների վերաբերյալ
  • Լավագույն մուլտիմեդիա ռեպորտաժ միգրացիոն խնդիրների վերաբերյալ
  • Լավագույն լուսանկարչական ռեպորտաժ միգրացիոն խնդիրների վերաբերյալ
  • Լավագույն հաջողված պատմություն վերաինտեգրման վերաբերյալ
  • Լավագույն հաջողված պատմություն ինտեգրման վերաբերյալ

Յուրաքանչյուր անվանակարգում հաղթողը կստանա 250 000 ՀՀ դրամին համարժեք մրցանակ:

Մասնակից կազմակերպությունները տրամադրելու են հատուկ մրցանակներ հետևյալ թեմաներով լավագույն նյութի համար `

  • «Տեղահանված սիրիահայերի մարտահրավերները  և Հայաստանում իրենց ինտեգրման հաջողցված պատմությունները»  –  ՄԱԿ-ի փախստականների հարցերով գերագույն հանձնակատարի գրասենյակ Հայաստանում
  • «Փախստականների ինտերգրման հեռանկարները Հայաստանում»  –  ՄԱԿ-ի փախստականների հարցերով գերագույն հանձնակատարի գրասենյակ Հայաստանում
  • «Հայրենադարձություն թեմայով լավագույն նյութ» – «Վերադարձ Հայաստան» հիմնադրամ

 Դիմելու համար՝

Մասնակցության համար անհրաժեշտ է լրացնել կից ներկայացված դիմում-հայտի ձևը և այն նյութի հետ ներկայացնել Միգրացիոն քաղաքականության մշակման միջազգային կենտրոնի հայաստանյան ներկայացուցչություն (հասցե` ք. Երևան, Վ.Սարգսյան 26/1, Էրեբունի Պլազա Բիզնես Կենտրոն, 7 հարկ, 711 սենյակ): Հայտի ձևը կարող եք գտնել նաև www.mibma.eu ինտերնետային կայքերում:

Տպագիր մամուլում կամ ինտերնետ պարբերականներում տեղադրված նյութերը կարող եք ուղարկել էլեկտրոնային տարբերակով հետևյալ էլ. փոստի հասցեով` [email protected] և [email protected].

Վերջնաժամկետ՝

Դիմում  հայտերի ընդունման վերջնաժամկետը 2019 թվականի նոյեմբերի 1-ն է (մինչև ժամը 18:00):

Կոնտատներ՝

Լրացուցիչ տեղեկությունների կամ հարցերի համար խնդրում ենք դիմել հաղորդակցման գծով պատասխանատու Իննա Գալոյանին հետևյալ հեռախոսահամարներով՝ +374 520388, +374 93 401016: Միգրացիոն հիմնախնդիրների վերաբերյալ “ՃԱՄՊՐՈՒԿ” լրագրողական մրցանակաբաշխությունը նվիրված է Միգրանտների միջազգային օրվան, որը ամեն տարի նշվում է դեկտեմբերի 18-ին:


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *