Պատերազմի և խաղաղության լուսաբանման ինստիտուտը (IWPR) հայտարարել է հետաքննական թեմաներով նյութերի դրամաշնորհ, որի նպատակն է աջակցել ժողովրդավարության աճին, լավ կառավարմանն ու մարդու իրավունքներին Կովկասում, Մոլդովայում, Ուկրաինայում, Կենտրոնական Ասիայում ՝ ուժեղացնելով անկախ մեդիայի և քաղաքացիական հասարակության կազմակերպությունների կարողությունները:
Դրամաշնորհի նպատակն է ստեղծել համագործակցության տարածաշրջանային լրագրողների ու մեդիահարթակների միջև և նպաստել բարձրորակ մեդիա բովանադակության ստեղծմանը, որը կունենա մեծ հասարակական հետաքրքրություն:
Կարող են դիմել բոլոր մեդիա հարթակները, որոնք ունեն հակամարտության, կառավարման, շրջական միջավայրի, կրթության, առողջապահության թեմաներով առաջարկներ: Կազմակերպությունը կօգնի մասնակիցներին կապ հաստատել և համագործակցել Արևելյան գործընկերության երկրների մի շարք կազմակերպությունների հետ:
Դրամաշնորհի բյուջեն առանձին հայտերի համար կազմում է 3500 եվրո, համատեղ հայտերի համար 7000 եվրո է: Գումարը նախատեսված է ծրագրի բոլոր ծախսերի համար` բացառությամբ սարքավորումների ձեռքբերումը:
Դիմումների վերջնաժամկետը սույն թվականի մայիսի 27-ն է: Ծրագրի մասին առավել մանրամասն ծանոթացեք այս հղումով:
