Մեդիա նախաձեռնությունների կենտրոնը հրավիրում է ոչ ֆորմալ կրթությամբ զբաղվող կազմակերպություններին, պատանիների հետ աշխատող կառույցներին եւ ուսումնական կենտրոններին՝ մասնակցելու մեդիագրագիտության դասավանդման վերապատրաստման դասընթացին:
Դասընթացը տեղի է ունենալու փետրվարի 17-19-ը՝ Մեդիա նախաձեռնությունների կենտրոնում:
Մեդիագրագիտությունը մեդիայի աշխատանքը հասկանալու, մեդիայի բովանդակությունը վերլուծելու, դրանից օգտվելու հմտությունն է, որ օգնում է ավելի գրագետ մեդիա սպառող լինել ու կողմնորոշվել ինֆորմացիոն հոսքերում:
Եռօրյա դասընթացի մասնակիցները կծանոթանան մեդիայի աշխատանքի սկզբունքներին, էթիկական ու օրեսնդրական կարգավորումներին, ձեռք կբերեն մանիպուլյացիաները տարբերելու, տեղեկությունը քննադատաբար վերլուծելու հմտություններ: Նրանք նաեւ կստանան ՄՆԿ-ի հրատարակած «Մեդիագրագիտություն» ձեռնարկը՝ մուլտիմեդիա նյութերով, որը կօգնի գիտելիքն ու հմտությունները հետագայում փոխանցել իրենց կազմակերպության շահառուներին: Դասընթացն իրականացվում է «Մեդիան քաղաքացիների իրազեկված մասնակցության համար» ծրագրի շրջանակում՝:
Հետաքրքրված կազմակերպությունները կարող են ուղարկել իրենց ներկայացուցչի ինքնակենսագրությունը [email protected] էլ փոստի հասցեին, դիմումների վերջնաժամկետը փետրվարի 12-ն է: Մանրամասների համար կարող եք զանգահարել 095583624:
Ծրագիրն իրականացվում է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: