Կրթավճարի համար կարող են դիմել լրագրության, միջազգային հարաբերությունների կամ իրավագիտության մագիստրատուրան վերջերս ավարտածները:
Human Rights Watch-ն է (HRW) ներկայացնում Ալըն Ռ. և Բարբարա Դ. Ֆինբերգ կրթավճարը: Մասնակիցները HRW-ի հետ կաշխատեն Նյու Յորքում կամ Վաշինգտոնում՝ դիտարկելով աշխարհում իրավապաշտպանության զարգացումները, իրականացնելով հետաքննություններ, մշակելով զեկույցներ, պատրաստելով լրատվական հրապարակումներ և այլն:
Մեկ տարի տևողությամբ ծրագիրն սկսվում է 2017թ. սեպտեմբերից և առաջարկում է 55 հազար դոլար աշխատավարձ:
Լավագույն թեկնածուներն են իրավապաշտպանության ոլորտում հետևողական փորձ ունեցողները, որոնք ցանկանում են շարունակել այն: Պահանջներից են՝ վերլուծական կարողությունն ու վարժ անգլերենը: Երկրորդ լեզվի իմացությունը որպես առավելություն կդիտվի:
Դիմողները պետք է ներկայացնեն ուղեկից նամակ, կենսագրական, երկու երաշխավորագիր, չհրապարակված նյութի տեքստ և ավարտագրի քաղվածքը:
Դիմելու վերջնաժամկետը հոկտեմբերի 8-ն է:
Լրացուցիչ տեղեկությունների և դիմելու համար սեղմել այստեղ:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: