Լրագրող Մկրտիչ Կարապետյանը դժգոհ է նոր կառավարության լրագրողների հետ աշխատանքից և տեղեկատվության հասանելիությունից: 

«Հեղափոխությունից անցել է մեկուկես տարի, բայց մենք դեռ շարունակում ենք պետական ռեգիստրից և կադաստրից գումարի դիմաց տեղեկատվություն ստանալ: Կարող եմ ասել, որ նախկինում եղած հիմնական խնդիրները մնում են»,- ասում է նա:

Ամենափակ պետական կառույցը, ըստ նրա, Պաշտպանության նախարարությունն է: Նա վստահ է, որ լրատվամիջոցները տարբեր պետական մարմիններում հիմա ավելի շատ աղբյուրներ ունեն, քան նախկինում.

«Վերահսկողությունը պետական մարմինների գործունեության նկատմամբ մեծացել է, մանրադիտակով են նայում»:

Մկրտիչը համաձայն է, որ մեդիայում և սոցցանցերում քաղաքացիական պատերազմ է. «Ամեն քրեական գործ մեկի ոտքն է տրորում, և այդ մարդը պետք է իրեն պաշտպանի լրատվականներում և ցանցերում, դաշտ նորանոր ֆեյքերի բանակներ են լցվում»:

Գեղամ Վարդանյան