Ինֆորմացիայի ազատության կենտրոնը և Հանրային լրագրության ակումբը հայտարարում են փաստերի ստուգման լրագրողական նյութերի մրցույթ:

Մրցույթի պայմանները

• Նյութերը պետք է հրապարակված/հեռարձակված և կամ պատրաստված լինեն 2019թ.-ի օգոստոսի 15-ից մինչև 2020թ-ի օգոստոսի 15-ն ընկած ժամանակահատվածում:
• Նյութերը պետք է պարունակեն փաստերի ստուգման, տվյալների ճշգրտման տարրեր՝ հիմնված տեղեկություն ստանալու հարցումների, փաստերի ստուգման գործիքների, փաստացի աղբյուրների հղումների վրա:
• Թեմաների սահմանափակում չկա, սակայն գնահատման ընթացքում հաշվի կառնվեն նութերում վեր հանված փաստերի կարևորությունը երկրի սոցիալական և կրթական խնդիրների, Քովիդ 19-ի հետևանքների վերացման, կոռուպցիայի կանխարգելմանն ու վերացմանն ուղղված քայլերի համար:
• Յուրաքանչյուր դիմորդ կարող է ներկայացնել 1 լրագրողական նյութ՝ յուրաքանչյուր անվանակարգի համար:
• Ընդունվում են միայն հայերեն նյութերը:
  Նյութերն ընդունվում են առցանց՝ վեբ հղումով.
  – հրապարակված նյութերի դեպքում՝ լրատվամիջոցում համապատասխան նյութի ակտիվ հղումը:
  – դեռ չհրապարակված նյութերը կարող եք վերբեռնել անվճար առցանց ռեսուրսներում կամ սոցիալական ցանցի ձեր անձնական էջում և նշել հղումը:
• Հոդվածների պատրաստման համար հեղինակները կարող են օգտվել ՀԼԱ և ԻԱԿ ստեղծած ուղեցույցից:

Ով կարող է դիմել

• Մինչև 35 տարեկան գործող լրագրողներ,
• Ուսանող-լրագրողներ:

Անվանակարգեր և ձևաչափեր

• Ռադիոնյութ
• Հոդված
• Տեսանյութ

Ներկայացվող լրագրողական նյութը կարող է լինել ռադիոնյութ (փոդքասթ), հոդված (տեքստային նյութ, տեքստային նյութ՝ ուղեկցվող ինֆոգրաֆիկա, ձայնագրություն, հղումներ, ֆոտոպատմություններ և այլն), տեսանյութ (հարցազրույց, ռեպորտաժ, ֆիլմ, ազատ ժանր),:

Յուրաքանչյուր անվանակարգ կունենա 3 մրցութային տեղ, որոնց առաջին տեղերի մրցանակակիրներին կշնորհվի 300.000-ական ՀՀ դրամ (ներառյալ ՀՀ օրենսդրությամբ սահմանված հարկերը) դրամական մրցանակ, մյուսներին՝ հավաստագրեր:

Ինչպե՞ս դիմել

• Մրցույթին դիմելու համար հարկավոր է լրացնել դիմում-հայտն այստեղ:
• Հայտերի ներկայացման վերջնաժամկետն է 2020 թվականի սեպտեմբերի 6-ը ներառյալ:

Գնահատում

Ներկայացված աշխատանքները կգնահատի մասնագիտական ժյուրին, որը կազմված է լրագրողական կազմակերպությունների ներկայացուցիչներից: Աշխատանքները կդիտարկվեն և կգնահատվեն ժյուրիի կողմից նախապես մշակված չափորիշիչներով` առաջնորդվելով լրագրողական էթիկայի, փաստերի ստուգման մեխանիզմների և տեղեկություն ստանալու հարցումների արդյունավետ կիրառման սկզբունքներով: Ժյուրին իրավասու է մրցանակ չշնորհել որևէ անվանակարգում կամ տեղի համար, եթե գնահատման չափանիշներին համապատասխան նյութ չլինի:

Մրցույթի արդյունքները կներկայացվեն 2020 թվականի սեպտեմբերի 28-ին՝ Տեղեկատվության ազատության միջազգային օրը:

Մանրամասների և կամ հարցերի դեպքում կարող եք զանգել 091435136 հեռախոսահամարներով կամ գրել [email protected] էլեկտրոնային հասցեին: