Աշխատանքի նկարագրությունը
Մեդիա նախաձեռնությունների կենտրոնը փնտրում է հակամարտությունների` պատասխանատու և որակյալ լուսաբանման ծրագրի մենեջեր։ Գործադիր տնօրենի անմիջական ղեկավարությամբ, ընտրված թեկնածուն կհամակարգի և կկազմակերպի ծրագրի գործողությունները և դրանց կատարման ընթացքը՝ համաձայն սահմանված ժամանակացույցի և բյուջեի։ Այս ծրագիրը լրագրողներին կզինի հակամարտությունների լուսաբանման համար կարևոր գիտելիքներով ու հմտություններով՝ դասընթացների, ուսումնական այցերի, արտադրության համար ենթադրամաշնորհների, տեսական և պրակտիկ ռեսուրսներ տրամադրելու միջոցով։
Աշխատանքային պարտականությունները
- ստանձնել ծրագրի համար պատասխանատվություն՝ երաշխավորելով ծրագրով սահմանված արյունքներին հասնելը
- համագործակցելով գործադիր տնօրենի հետ՝ պլանավորել, կազմակերպել և իրականացնել ծրագրային գործողությունները՝ համաձայն ծրագրի նպատակների և աշխատանքային պլանի
- ծախսերի և գործողությունների համապատասխանեցում՝ ծրագրի պահանջների և օրինաչափությունների, իրականացնող կազմակերպության ներքին կանոնակարգի
- արդյունավետ պլանավորել և իրականացնել ծրագրային գործողությունները, այդ թվում՝ անցկացնել մեդիա մոնիթորինգ, առցանց ուսումնական գործիքների արտադրություն, դասընթացներ, կոնֆերանս, ենթադրամաշնորհային ծրագրեր
- փորձագետների և շահառուների կողմից իրականացվող գործողությունների համակարգում և վերահսկում,
- պատշաճ հաղորդակցություն և համագործակցություն փորձագետների, դոնորների և շահառուների հետ
- ընթացիկ հաշվետվությունների և ծրագրային այլ փաստաթղթերի կազմում և ծանուցում
- աշխատանքից բխող այլ հանձնարարություններ
Պահանջվող որակավորումները
- բարձրագույն կրթություն՝ լրագրության, հաղորդակցության կամ այլ հարակից ոլորտներում,
- մեդիա արտադրության ոլորտում առնվազն 3 տարվա մասնագիտական փորձ, հակամարտությունների լուսաբանման կամ խաղաղաշինական լրագրության փորձը կդիտվի որպես առավելություն,
- ծրագրի կառավարման և մենեջմենթի ոլորտում առնվազն 3 տարվա աշխատանքային փորձ,
- Հայաստանի մեդիա դաշտի և քաղաքացիական հասարակության մասին խորքային գիտելիքներ, Հարավային Կովկասի իրավիճակի տիրապետում,
- լրագրողների, քաղհասարակության խմբերի և կազմակերպությունների, ինչպես նաև միջազգային կազմակերպությունների հետ աշխատանքի փորձ,
- քննադատական մտածողություն և միջմշակութային հաղորդակցության հմտություններ
- թիմային աշխատանքի պատրաստակամություն
- հայերենի, անգլերենի և ռուսերենի գերազանց իմացություն
Դիմելու ընթացակարգը
Խնդրում ենք ուղարկել CV և մոտիվացիոն նամակ [email protected] էլ․հասցեով՝ նամակի վերնագրում նշելով «Հակամարտությունների լուսաբանում ծրագրի մենեջերի հաստիք»։ Միայն ընտրված թեկնածուները կհրավիրվեն հարցազրույցի։ Դիմումների վերջնաժամկետը 2020թ-ի ապրիլի 10-ն է:
Կազմակերպության մասին
Մեդիա նախաձեռնությունների կենտրոնը Հայաստանի մեդիադաշտում աշխատում է ավելի քան 20 տարի: Աջակցում ենք արտահայտման ազատությանը, անկախ լրատվամիջոցների կայացմանն ու զարգացմանը, մասնակցում ենք մեդիա օրենսդրության բարելավմանը, լրագրողների իրավունքների պաշտպանությանը։ Առաջնորդվում ենք «Ինֆորմացիան փոփոխության ուժ ունի» կարգախոսով: Առավել մանրամասն կարող եք ծանոթանալ այցելելով կազմակերպության կայք:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: