Գործադիր տնօրենի անմիջական ղեկավարությամբ և ծրագրերի մենեջերների հետ համագործակցությամբ՝ հաղորդակցության մենեջերը պատասխանատու է Մեդիա նախաձեռնությունների կենտրոնի հաղորդակցության ռազմավարության նախագծման, մշակման և իրականացման համար: Նրա անմիջական գործառույթն է կազմակերպության գործունեության տեսանելիության ու հասանելիության ապահովումը:
Պարտականությունները
- գրել, խմբագրել և հրապարակել լուրեր, պատմություններ և հայտարարություններ կազմակերպության կայքի համար,
- ապահովել ՄՆԿ-ի ներկայացվածությունը սոցիալական ցանցերում, մասնավորապես Facebook, Twitter, Vimeo, YouTube և Instagram հարթակներում,
- ապահովել կապը լրատվամիջոցների և լրագրողների հետ՝ կազմակերպության գործունեությունը հանրայնացնելու նպատակով,
- մասնակցել միջոցառումների կազմակերպչական աշխատանքներին՝ տարբեր բաժինների աշխատակիցների հետ համագործակցությամբ,
- պատրաստել և տարածել մամուլի հաղորդագրություններ՝ ապահովելով տարբեր միջոցառումների պատշաճ լուսաբանումը,
- համակարգել հաղորդակցական նյութերի (բրոշյուրներ, բաներներ և այլն) ժամանակին և բարձր որակով արտադրությունը,
- համակարգել կազմակերպության ներքին հաղորդակցությունը:
Պահանջվող որակավորումներ
- բարձրագույն կրթություն՝ հաղորդակցության, լրագրության, հանրային կապերի, հասարակական գիտությունների կամ հարակից այլ ոլորտում,
- Հայաստանի մեդիադաշտի լավ իմացություն,
- հաղորդակցության, տեղեկատվական կամ մեդիա արտադրության ոլորտում առնվազն երեք տարվա աշխատանքային փորձ,
- հայերենի և անգլերենի գերազանց իմացություն, ռուսերենի իմացությունը կդիտվի որպես առավելություն,
- սոցիալական մեդիայի իմացություն, լուսանկարչական հմտություններ, վիդեոարտադրության գիտելիքը կդիտվի որպես առավելություն,
- թիմում աշխատելու և հաղորդակցվելու կարողություն, կազմակերպչական և վերլուծական հմտություններ, ստեղծարար մտածողություն, տարբեր խմբերի ու լսարանների հետ համագործակցելու հմտություն:
Դիմելու ընթացակարգը
Պահանջներին համապատասխանող թեկնածուներին խնդրում ենք ուղարկել ինքնակենսագրական/CV և մոտիվացիոն նամակ [email protected] էլ․հասցեով՝ նամակի վերնագրում նշելով «Communications Manager»: Միայն ընտրված թեկնածուները կհրավիրվեն հարցազրույցի։
Դիմումների վերջնաժամկետը 2019 թ. մարտի 31-ն է:
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: