Վրաստանում Մուլտիմեդիա կրթական կենտրոնը (MEC) ընդունում է հայտեր Հայաստանի լրատվամիջոցներից: 20 ամիս տևողությամբ ծրագրի նպատակն է աջակցել Հայաստանից ընտրված 5 լրատվամիջոցներին մեծացնել իրենց առցանց լսարանն ու կոմերցիոն եկամուտները՝ դիվերսիֆիկացնելով մուլտիմեդիա արտադրությունը, էֆեկտիվ կառավարելով ինտերնետային թրաֆիկը՝ կայքում գովազդների տեղադրման համար ստեղծելով տարբեր հնարավորություններ: Այս կետերի իրականացման համար ծրագրով նախատեսվում է թրեյնինգ, փոքր դրամաշնորհներ, բուն արտադրական գործընթացում մենթորություն:

Ընտրված լրատվամիջոցները պետք է վրացի գործընկերների հետ համատեղ ուսումնասիրված և խորքային մուլտիմեդիա պատմություններ ստեղծեն: Ծրագիրը կօգնի երկու հարևան երկրների լրատվամիջոցներին համագործակցել, մուլտիմեդիա ու թվային մարկեթինգի ոլորտում փոխանակել իրենց կուտակած փորձը:

Հայտ կարող են ուղարկել ինչպես տպագիր և էլեկտրոնային լրատվամիջոցները, այնպես էլ՝ հեռուստառադիոընկերությունները: Մասնակցության համար կարևոր է.

• Լրատվամիջոցը անկախ լինի քաղաքական և բիզնես ազդեցություններից,
• Ունենա մուլտիմեդիա գործիքներով կայք,
• Կարողանա հետևել իր ինտերնետային թրաֆիկին,
• Բովանդակությունը հասանելի լինի բացի հայերենից նաև անգլերենով կամ ռուսերենով,
• Ունենա առնվազն երեք տարվա աշխատանքային փորձ,
• Բովանդակություն ստեղծող առնվազն 8 աշխատակից,
• Ունենա տեխնիկական հնարավորություններ մուլտիմեդիա պատմությունների նկարահանման և խմբագրման համար,
• Ունենա հետաքրքիր գաղափար վրացական մեդիայի հետ իրագործման համար:

Ծրագիրն իրականացվելու է Վրաստանում երեք փուլով: Հայաստանից կընտրվեն 2 մասնակից՝ յուրաքանչյուր լրատվամիջոցից: Համատեղ գաղափարն իրականացնելու համար Հայաստանի մասնակիցների համար նախատեսված է 5000 դոլար, Վրաստանի մասնակիցների համար 2000 դոլար:

Կենտրոնը հոգալու է Հայաստանի մասնակիցների ճանապարհի, կեցության, սննդի ծախսերը: Դիմումների ընդունման վերջնաժամկետը սույն թվականի նոյեմբերի 30-ն է, ժամը 17:00-ը: Աշխատանքային լեզուն ռուսերեն է:

Ստորագրված և կնքված PDF ֆորմատով  հայտը պետք է ուղարկել  [email protected] էլեկտրոնային հասցեով: Հարցերի դեպքում կարող եք զանգահարել հետևյալ 00 995 32 2251 895 հեռախոսահամարով:

Մասնակցության հայտում պետք է ներառվեն հետևյալ տեղեկությունները.

• Կոնտակտային տվյալներ
• Կազմակերպության մասին հիմնական տեղեկություններ
• Լրատվամիջոցի համառոտ պատմություն
• Ֆինանսական կայունություն
• Համատեղ իրականացվող գաղափարի նկարագրություն
• Տեխնիկական հնարավորություններ