Ինչպե՞ս ստեղծել հեռուստասերիալ, որը կսիրեն, կդիտեն և չեն բողոքի։ Կա՞ն արդյոք սերիալի սցենար ստեղծելու ոսկե կանոններ։ Ինչպե՞ս է ազդում թվային միջավայրը հեռուստատեսային այս ժանրի զարգացման վրա։

Սցենարիստներին, ռեժիսորներին, պրոդյուսերներին և բոլոր նրանց, ում հետաքրքրում են այս հարցերի պատասխանները, Մեդիա նախաձեռնությունների կենտրոնը հրավիրում է մասնակցել դրամատուրգ, սցենարիստ, սցենարական աշխատանքի դասախոս Ալեքսանդր Մոլչանովի «Հեռուստասերիալ․ երեկ, այսօր և վաղը» վարպետության դասին։

• Oրը՝ երկուշաբթի, նոյմեբերի 20, 2017
• Ժամը՝ 14:00-18։00
• Lեզուն՝ ռուսերեն
• Կազմակերպիչ/անցկացման վայր՝ Մեդիա նախաձեռնությունների կենտրոն (նախկին Ինտերնյուս Հայաստան), հասցեն՝ Արշակունյաց 3, 3-րդ հարկ։

Վարպետության դասը բաց է հետաքրքրված բոլոր անձանց համար։ Մանրամասների համար միացեք միջոցառման ֆեյսբուքյան էջին:

Լրացուցիչ տեղեկությունների համար զանգահարեք ՝ Մանե Գրիգորյանին, հեռ.՝ 010 583620 (131) կամ գրեք [email protected]  էլ․ հասցեով:

Խորհրդատուի մասին տեղեկություններ․ Ալեքսանդր Մոլչանովը մասնակցել է բազմաթիվ  սերիալների ստեղածագործական աշխատանքներին։ Նրա սցենարներով են նկարահանվել  «Захватчики», «Кости», «Москва, центральный округ», «Час Волкова», «Побег», «Черчилль», «Салам, Масква» և մի շարք այլ  սերիալներ,  «Золотые яйца» և «Затмение» անիմացիոն ֆիլմերը։

Ալեքսանդր Մոլչանովն ավարտել է Կինեմատոգրաֆի համամիութենական պետական ինստիտուտը և ամերիկյան UCLA (University of California, Los Angeles) համալսարանը:

Որպես սցենարական աշխատանքի խորհրդատու՝ աշխատել է Ռուսաստանի գրեթե բոլոր  խոշոր հեռուստաընկերությունների հետ։ 14 գրքերի, բազմաթիվ դասընթացների և պիեսների  հեղինակ է։ Նրա «Մարդասպանը» պիեսը բեմադրվում է Ռուսաստանի և Եվրոպայի ավելի քան 30 թատրոններում:

Մոլչանովը դասավանդել է Կինեմատոգրաֆի համամիութենական պետական ինստիտուտում, Կինոյի մոսկովյան դպրոցում և այլ կինոդպրոցներում։ Ռուսաստանի առաջին օնլայն կինոդպրոցի հիմնադիրն ու ղեկավարն է։

Վարպետության դասն անց է կացվում Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում: