Մեդիա նախաձեռնությունների կենտրոնը հայտարարում է մրցույթ՝ The Data Journalism Handbook գրքի թարգմանության համար: Գրքի հայերեն տարբերակը պատրաստելու համար փնտրում ենք թարգմանչի և խմբագրի, որոնք մրցույթին կմասնակցեն միասնական հայտով:

Հայտը պետք է ներառի

• գնային առաջարկ գրքի թարգմանության և խմբագրման համար (անգլերենից հայերեն)
• նախկինում արված նմանատիպ աշխատանքների օրինակներ (եթե ունեն)
• դիմողների համառոտ կենսագրականներ(CV):

Թարգմանչի համար պահանջվող չափանիշերն են

• անգլերենի և հայերենի գերազանց իմացություն
• գրավոր թարգմանությունների փորձ
• լրագրության ու տվյալների վերլուծության վերաբերյալ համապատասխան բառապաշարի իմացություն:

Խմբագրի համար պահանջվող չափանիշեր

• հայերենի գերազանց, անգլերենի աշխատանքային իմացություն
• խմբագրական աշխատանքի փորձ և հմտություններ
• գիտելիք լրագրության ու տվյալների վերլուծության վերաբերյալ, համապատասխան բառապաշարի իմացություն

Միասնական հայտով ընտրված մասնագետները իրենք են կազմակերպելու աշխատանքի ամբողջ ընթացքը՝ ազատ են բաշխելու ժամանակը, աշխատելու հեռակա (ոչ ՄՆԿ գրասենյակում):

Գրքի թարգմանության ու խմբագրման աշխատանքները պետք է ավարտել մինչև 2017 թ. մարտի 1-ը: Գրքի ավարտուն տարբերակի որակի համար հավասարապես պատասխանատու են թարգմանիչն ու խմբագիրը:

Հայտերի ընդունման վերջնաժամկետը նոյեմբերի 20-ն է:

The Data Journalism Handbook-ը մասնագիտական ազատ ուղեցույց է բոլոր նրանց համար, ովքեր հետաքրքրվում են տվյալների լրագրությամբ։ Գիրքը համատեղ աշխատանքի արդյունք է, այն գրվել է տարբեր երկրներում Տվյալների լրագրությամբ զբաղվող լավագույն մասնագետների կողմից և թարգմանվել է արդեն 15 լեզուներով;

Լրացուցիչ տեղեկությունների համար կամ հարցերի դեպքում՝ դիմեք Նարինե Սաֆարյանին, Մեդիա նախաձեռնությունների կենտրոն: Հեռ.՝ 010 58 3620), էլ. փոստ՝ [email protected]:

Գրքի թարգմանության մրցույթն անցկացվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում:
Ծրագիրը համատեղ իրականացնում են Մեդիա նախաձեռնությունների կենտրոնը, Եվրասիա համագործակցություն հիմնադրամը և Ինտերնյուսը: