Digital Report հարթակը ապրիլի վերջին շաբաթը Թուրքիայում օնլայն լրագրության հիմունքները եւ տեղեկատվական-հեռահաղորդակցական տեխնոլոգիաների հիմնական խնդիրները թեմայով 5-օրյա դասընթաց կանցկացնի հետխորհրդային երկրների երիտասարդ լրագրողների համար:

Լրագրողները կսովորեն ինտերնետի միջազգային կառավարում, տեղեկատվության որոնում ու առաջխաղացում Twitter, VK եւ YouTube հարթակներում, ինտերնետում տվյալների գաղտնիություն եւ ստուգում:

Առաջատար մասնագետները վարպետության դասեր կանցկացնեն կիբերանվտանագության, տեղեկատական-հաղորդակցական տեխնոլոգիաների կարգավորման ու քաղաքականության վերաբերյալ:

Պահանջները՝

• Ռուսերենի իմացություն (աշխատանքային/մասնագիտական մակարդակի), ռուսերենով նյութեր գրելու փորձ
• Անգլերենի իմացությունը առավելություն է (աշխատանքային)
• Բարձրագույն կրթություն կամ վերջին կուրսի ուսանող
• Լրագրությունում աշխատելու 3 տարվա փորձ
• Օպերացիոն համակարգի եւ օֆիսային փաթեթի տարրական գիտելիքներ
• Որոնողական համակարգերում եւ սոցիալական ցանցերում տեղեկատվության հետ աշխատելու տարրական հմտություններ
• Արտասահման գնալու հնարավորություն
• Նոութբուքի առկայություն
• Ցանկություն եւ հնարավորություն՝ դասընթացի ավարտին լուսաբանելու տեղեկատվական-հեռահաղորդակցական քաղաքականության եւ կարգավորման թեմաները (էլեկտրոնային կառավարություն, կանոնակարգող քաղաքականություն, տեղեկատվական քաղաքականություն, կիբերանվտանգություն, օնլայն բիզնես/էլեկտրոնային առեւտուր, օնլայն իրավունքներ ու ազատություններ, միջազգային տեղեկատվական հակամարտություն/ քարոզչություն, հեռահաղորդակցություն եւ այլն):

Խնդրում ենք Ձեր ինքնակենսագրությունը եւ մինչեւ 5 հոդված ուղարկել հետեւյալ հասցեին՝ [email protected]

Digital Report-ը ռուսերենով տեղեկատվական, վերլուծական եւ մասնագիտական նոր հարթակ է, որը լուսաբանում է Եվրասիայի թվային զարգացումը՝ պետական էլեկտրոնային ծառայություններից եւ միջազգային տեղեկատվական պատերազմներից մինչեւ օրենսդրական նորամուծություններ եւ տեղեկատվական տեխնոլոգիաների շուկայի միտումները: