Եթե դուք բովանդակություն եք հրապարակում, ապա մինչև այն տարածելը՝ ձեր տեղեկությունը ստուգելու պարտավորություն ունեք:  

Բայց դուք պարտավոր չեք ցինիկ լինել և ենթադրել, թե ամեն ինչ սխալ է:

Փոխարենը պետք է փորձել թերահավատ լինել: Թերահավատությունը առաջացնում է ավելի լավ հարցադրումներ: Այն հետաքրքրասիրության և քննադատական մտածողության արդյունք է:

Սրանք լավագույն հարցերից են, որոնց պատասխանը պետք է ունենալ բովանդակությունը տարածելուց առաջ:

• Որտեղի՞ց գիտեք, որ տեղեկությունը ճիշտ է:
• Ի՞նչ է դա իրականում նշանակում:
• Ուրիշ էլ ո՞վ գիտի այդ մասին:
• Կա՞ արդյոք այդ տեղեկությունը դիտարկելու որևէ այլ ձև:
• Արդյո՞ք այն միշտ այդպես է եղել:
• Ո՞վ է շահում այս իրավիճակում:
• Ի՞նչ պատճառներ կարող է ունենալ աղբյուրն՝ ասելով, որ դա ճիշտ է:
• Արդյո՞ք այս պատճառաբանությունը ողջամիտ է թվում:
• Արդյո՞ք  տեղեկությունը պնդող անձը ցանկություն ունի պատասխանել այդ հարցերին:

Վերցված է Poynter ինստիտուտի NewsU հարթակի «Աղբյուրները, ստուգումը և արժանահավատությունը» դասընթացից:

Հոդվածը թարգմանված է Poynter-ից,
Թարգմանությունը՝ Գայանե Ասրյանի