Մեդիա նախաձեռնությունների կենտրոնը փնտրում է ադմինիստրատիվ աշխատակցի՝ աջակցելու կազմակերպության աշխատանքներին: Տեխնիկական տնօրենի անմիջական վերահսկողությամբ նա պետք է օգնի մենեջերներին և մյուս աշխատակիցներին՝ կատարելով կազմակերպչական տարբեր հանձնարարություններ:

Աշխատանքային պարտականություններ

• հետևել կազմակերպության գրասենյակի ընդունարանի տարածքին, ընդունել և ուղղորդել հյուրերին,
• պատասխանել զանգերին, նամակներին, հրավերներին, էլեկտրոնային նամակներին և դրանք ժամանակին փոխանցել հասցեատերերին,
• օգնել ադմինիստրատիվ աշխատանքներում՝ նամակագրություն, պատճենահանում, լուսապատճենում և այլն,
• իրականացնել ուղևորությունների, գիշերակացի ամրագրումներ կազմակերպության աշխատակիցների և հյուրերի համար,
• էլեկտրոնային օրացույցում կատարել նշումներ կազմակերպության միջոցառումների, գործուղումների մասին, մուտքագրել անհրաժեշտ այլ ինֆորմացիա,
• համալրել գործընկերների կոնտակտների բազան,
• համակարգել կազմակերպության գրադարանը,
• համակարգել տպագիր և էլեկտրոնային փաստաթղթերը համապատասխան թղթապանակներում,  
• հետևել գրասենյակի ընդհանուր կարգուկանոնին, ապահովել սարքավորումների և անհրաժեշտ պարագաների/պիտույքների առկայությունը,
• կատարել այլ հանձնարարություններ՝ բարձր որակով և սահմանված ժամկետներում:

Պահանջվող որակավորումներ

• բարձրագույն հումանիտար կամ համապատասխան այլ կրթություն,  
• նվազագույնը 2 տարվա ադմինիստրատիվ աշխատանքի փորձ,
• հայերենի և անգլերենի գերազանց իմացություն, ռուսերենի իմացությունը կդիտարկվի որպես առավելություն,
• կազմակերպչական, բանավոր և գրավոր հաղորդակցության գերազանց հմտություններ,
• համակարգչային գիտելիքներ, գրասենյակի կառավարման համակարգերի և գործընթացների իմացություն,
• քաղաքացիական հասարակության և միջազգային կազմակերպությունների հետ աշխատելու փորձ:

Համապատասխան որակավորում ունեցող հետաքրքրված անձինք կարող են մինչև հունիսի 12-ն իրենց համառոտ կենսագրությունն ուղարկել [email protected] էլեկտրոնային հասցեով` նամակը վերնագրելով «Administrative assistant»: Միայն ընտրված թեկնածուները կհրավիրվեն հարցազրույցի: