Մեդիա նախաձեռնությունների կենտրոնը (ՄՆԿ) աշխատանքի է հրավիրում լրագրողի/մեդիա մոնիտորինգի մասնագետի «Որակյալ լրագրությունը՝ հակամարտությունների վերափոխման գրավական»  ծրագրի շրջանակում աշխատելու համար։ Մասնագետը հաշվետու է Ծրագրի համակարգողին և, համալրելով Media.am կայքի խմբագրական թիմը, աշխատելու է գլխավոր խմբագրի հետ սերտ համագործակցությամբ։   

Աշխատանքի նկարագրություն

• Հայկական լրատվամիջոցներում հակամարտություններին առնչվող մեդիա բովանդակության ամենօրյա մշտադիտարկում; 
• Մշտադիտարկման արդյունքների վերլուծություն, ամենամսյա զեկույցների կազմում և դրանց հիման վրա հոդվածների պատրաստում media.am հարթակի համար; 
• Լրագրողական նյութերի պատրաստում media.am-ի «Խաչմերուկ» բաժնի համար՝ տարբեր ժանրերով և ձևաչափերով (Խաչմերուկ բաժինը հակամարտությունների լուսաբանման մասին հոդվածների համար է։ Այստեղ վերլուծվում է մեդիայի անդրադարձը տարածաշրջանային կոնֆլիկտներին։ ) 
• Ծրագրի համակարգողի այլ հանձնարարությունների կատարում։ 

Մասնագիտական և աշխատանքային պահանջներ` 

• բարձրագույն կրթություն և առնվազն երեք տարվա աշխատանքային փորձ լրագրության, մեդիայի կամ հարակից այլ ոլորտներում, 
• մուլտիմեդիա բովանդակության հետ աշխատելու, այդ թվում աուդիո ու վիդեո նյութեր պատրաստելու փորձ, մուլտիմեդիա գործիքների տիրապետում, 
• լրատվական դաշտի և դրա խնդիրների լավ իմացություն, 
• լրագրողական նյութ գրելու և խմբագրելու գերազանց հմտություններ, 
• հակամարտությունների լուսաբանման առանձնահատկությունների իմացություն, 
• հաղորդակցվելու գերազանց ունակություններ, 
• բանավոր և գրավոր հայերենի և անգլերենի գերազանց իմացություն, ռուսերենի իմացությունը ցանկալի է, 
• թիմային աշխատանքի, վերջնաժամկետները պահպանելու ունակություն, ինքնուրույն և արդյունավետ աշխատելու կարողություն, 
• ստեղծարարություն, հետաքրքրասիրություն, քննադատական մտածողություն: 

Հայտերը ներկայացնելու վերջնաժամկետն է 2024թ․ մայիսի 7-ը: Հայտերը՝ հայերեն ինքնակենսագրությունը,  հետաքրքրվածության նամակը 300 բառի սահմաններում, հակամարտության թեմայով հոդվածների 2-3 հղում  (եթե առկա է) ուղարկել [email protected]  էլ.հասցեին` թեմա դաշտում նշելով “Media Monitoring Expert/Journalist” բառերը։ 

Միայն ընտրված թեկնածուները կտեղեկացվեն և կհրավիրվեն հարցազրույցի: 

Media.am-ը մեդիա դաշտի վերլուծությունների, լրագրողական էթիկայի, մեդիագրագիտության թեմաներով մասնագիտացած յուրահատուկ հարթակ է, որն աշխատում է 2000թ․-ից։