Հանրային լրագրության ակումբը Միջազգային ալերտի աջակցությամբ իրականացվող «Հետագծեր» ծրագրի շրջանակում հայտարարում է լրագրողական նախագծերի մրցույթ։
Մրցույթի նպատակն է վեր հանել պատերազմի հետևանքով առաջացած խնդիրները, լուսաբանել մարդկային պատմությունները և կյանքը պատերազմից հետո։
Լրագրողական նախագծերը պետք է ունենան թեմատիկ ուղղվածություն՝ ինչ ազդեցություն է ունեցել մարդկանց կյանքի վրա պատերազմը, պատերազմի հետևանքով հաշմանդամություն ստացած մարդկանց խնդիրներն ու դրանց հաղթահարելուն ուղղված քայլերը, մարդկային կորուստներ ունեցող ընտանիքների սոցիալական խնդիրները և այլն։
Հաղթող մեդիա նախագծերն ընտրվելու են ծրագրի համակարգող թիմի ու ներգրավված խմբագրերի կողմից և ստանալու են դրամական աջակցություն, նախագիծն իրականացնելու համար։
Պայմաններ՝
- Լրագրողական նախագծերի ձևաչափն առաջարկում են նախագծի հեղինակը/ները (տեսաֆիլմ, վավերագրական տեսանյութ, մուլտիմեդիա նյութ, մեծ ռեպորտաժ, և այն)։
- Նախագծերը պետք է ներկայացվեն գործող լրագրողների, վավերագրղների, ֆոտոլրագրողների, բովանդակություն ստեղծող մեդիա աշխատողների կողմից:
- Անհրաժեշտ է ներկայացնել լրատվամիջոցի գրավոր համաձայնությունը, որտեղ աշխատում է հեղինակը։
- Ծրագրի շրջանակներում ստեղծված նյութերի հեղինակային իրավունքը պատկանելու է նաև Հանրային լրագրության ակումբին։
- Ծրագրի շրջանակներում ստեղծված նյութերը պետք է առաջինը հրապարակվեն ծրագրին առնչվող հարթակներում։
Առաջարկները կընդունվեն մինչև 2021 թվականի հոկտեմբերի 15-ը։ Մրցույթին դիմելու համար անհրաժեշտ է լրացնել առցանց հայտադիմումը:
Հարցերի դեպքում կարող եք կապ հաստատել [email protected] էլեկտորնային փոստի հասցեով կամ 012755898 հեռախոսահամարով։
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: