«Առավոտ» օրաթերթի գլխավոր խմբագիր Արամ Աբրահամյանն այս օրերին արտակարգ դրության պայմաններում աշխատելու պայման է համարում ճկունությունն ու տագնապ «չվաճառելը».

«Ընդհանուր միտքն այն է, որ պետք չի տարածել տվյալներ ու թվեր, որոնք կարող են անհանգստություն և տագնապ առաջացնել»:

Ըստ նրա՝ նման պարտադրանքը վերաբերվում է նաև արտասահմանյան լրահոսին, սակայն թե ինչպես է դա կարգավորվելու սոցցանցերում, հասկանալի չէ:

Նաև բարդ է որոշել, թե որն է պաշտոնական ինֆորմացիան, եթե երբեմն հենց պաշտոնյաներն են հրապարակում տարբեր ու  իրար հակասող թվեր ու տվյալներ:

«Բոլոր դեպքերում, պաշտոնյաները նաև քաղաքական գործիչներ են, և նրանց խոսքը ներկված է քաղաքական երանգներով, իսկ մեզ պետք են քաղաքանապես չեզոք պաշտոնական տվյալներ: Դա կարող էր փոխանցել պարեկատան խոսնակն, օրինակ»,- առաջարկում է Արամ Աբրահամյանը:

Գեղամ Վարդանյան