Վերջին օրերին Հայաստանում լրատվամիջոցներն ու լրագրողներն աշխատեցին արտակարգ ռեժիմով՝ սկսած ապրիլի 13-ից, երբ Երևանի Ֆրանսիայի հրապարակում սկսվեցին Սերժ Սարգսյանի վարչապետության դեմ բողոքի ցույցերը, մինչև ապրիլի 23-ը՝ Սերժ Սարգսյանի հրաժարականի օրը:
«Քայլ արա՛, մերժի՛ր Սերժին» շարժումը բոլորովին նոր իրավիճակ էր թե՛ շարժման առաջնորդների ու մասնակիցների, թե՛ Հայաստանի իշխանությունների ու ոստիկանության աշխատակիցների, թե՛ լրագրողների ու լրատվամիջոցների՝ բոլոր-բոլորի համար: Քաղաքացիները փողոցներ էին փակում, ոստիկանները՝ նրանց բերման ենթարկում, ձերբակալում շարժման առաջնորդներին: Մարդկանց գործողությունները միաժամանակ էին ու քաղաքի տարբեր հատվածներում: Մեկ միասնական դեպքի վայր այլևս չկար, և լրագրողները փորձում էին բաց չթողնել զուգահեռ իրականացվող ակցիաները, ցուցարարների հետ քայլում էին մայրաքաղաքի մի ծայրից մյուսը:
Այս օրերին հասցրինք ներկայացնել մի քանի տասնյակ լրագրողների, ֆոտոլրագրողների ու օպերատորների, ովքեր աշխատում էին տարբեր դեպքի վայրերից, բայց Հայաստանում այս կարևոր իրադարձության լուսաբանումն ապահովել են լրատվամիջոցների բազմաթիվ աշխատակիցներ:
Շարքի առաջին մասն այստեղ է, երկրորդը՝ այստեղ, երրորդը՝ այստեղ:
Լուսանկարները՝ Սոնա Քոչարյանի
