Հեռուստատեսության և ռադիոյի հանձնաժողովը հրապարակել է տվյալներ 2024թ․ դեկտեմբերին հեռուստատեսային ռեյտինգների մասին։ 

Դեկտեմբերի ամենավարկանիշային հաղորդումը Հանրային հեռուստաընկերության եթերում ՀՀ վարչապետ Նիկոլ Փաշինյանի Ամանորի ուղերձն է եղել։ Երկրորդը՝ Արմենիա TV-ի եթերում «Տարվա երգ 2024»-ը։ Երրորդը՝ դարձյալ Արմենիա TV-ի եթերում հեռարձակված Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի Ամանորի ուղերձը։ 

Ամենաբարձր վարկանիշ ունեցող հաղորդումների տասնյակում ընդգրկվել են նաև դեկտեմբերի 31-ին Հանրային հեռուստաընկերության եթերի ամանորյա երկու նախագծերը՝ «Դիմակահանդես»-ը և «Ժամանակի մեքենա․ Նոր տարվա գիշերը»։  

Արմենիա TV-ին դեկտեմբերի ընթացքում ունեցել է հետևյալ հաղորդումները, որոնք բարձր վարկանիշ են ունեցել՝ «Մոխրոտի երազները» և «Ծով աչքերի պատճառով» հեռուստասերիալները, դեկտեմբերի 31-ի «Բարի օր»-ը և «Ջիմի-ջիմի»-ի հումորային ծրագիրը։  

Հանրայինից ու Արմենիա TV-ից բացի տասնյակում տեղ գտած միակ հեռուստաընկերությունը ATV-ին է՝ իր «Մարիա» հեռուստասերիալով։ 

Հեռուստատեսային եթերում նորությունների թողարկումների առաջատարը Արմենիա TV-ի «Ժամը»-ն է։ Երկրորդ տեղում ATV-ի «Այսօր»-ն է, երրորդը՝ Հանրայինի «Լուրեր»-ը։ 

Հանձնաժողովը ներկայացրել է նաև տվյալներ հեռուստատեսային ալիքների ընդհանուր ռեյտինգի մասին։ Այնտեղ ամենաբարձրը Հայաստանում հեռարձակվող բոլոր մարզային հեռուստաընկերությունների և մալուխային ալիքների միասնական վարկանիշն է։  

Որպես առանձին հեռուստաընկերություն դեկտեմբերին վարկանիշով առաջինը եղել է Արմենիա TV-ին, երկրորդը՝ Հանրայինը, երրորդը՝ Շանթը։ 

Ամենացածր վարկանիշն ունեցել են Նուռ TV-ին, Boon TV-ին և ռուսական «Կուլտուրա»-ն։   

Հայաստանում հեռարձակվող ռուսական ալիքների թվում առաջատարը «ՌՏՌ-Պլանետա»-ն է։