Մարդասպան Ռամիլ Սաֆարովին Ադրբեջան վերադարձնելու, նրան ներում ու մայորի կոչում շնորհելու եւ 8.5 տարվա աշխատավարձը վճարելու, բնակարան նվիրելու, Հունգարիայի հետ դիվանագիտական հարաբերությունների խզման մասին լուրերի առաջին արձագանքները Facebook-ում էին: Ֆեյսբուքահայերն արտահայտվում էին. կարծիքներ, քննարկումներ, վեճ, զայրույթ:
Ժամերի ընթացքում սոցիալական ցանցերում տարածվեցին Ռամիլ Սաֆարովի, Հունգարիայի թեմայով նկարներ, կոլաժներ, պլակատներ: Պլակատային արվեստը կամ Facebook Art-ը ծաղկում էր: Արագորեն արված կոլաժները Facebook-ի օգտատերերի՝ կատարված նկատմամբ վերաբերմունքի պատկերավոր արտահայտություններն էին:
Օգտատերերի կողմից, կամավորական սկզբունքներով ստեղծված մեդիան տեղադրվում եւ տիրաժավորվում էր րոպեների ընթացքում:
Երկու հիմնական ուղղվածություն կար: պաստառներ, կոլաժներ Ռամիլ Սաֆարովի եւ Ադրբեջանի թեմայով:
Պլակատներ, կոլաժներ Հունգարիայի թեմայով:
Ընդ որում, շատ դժվար է պարզել, թե Facebook-ում կայծակնային արագությամբ տարածվող պլակատների հեղինակներն ովքեր են: Միշտ չէ, որ գտնվում է արահետը, որով այն հայտնվել է քո Facebook պատին:
Եթե այս հոդվածում օգտագործված նկարների հեղինակները ցանկանան, մենք կավելացնենք հեղինակային իրավունքի մասին համապատասխան գրառումները: Խնդրում ենք ուղարկել համապատասխան ֆեյսբուքյան հղումը՝ օգտագործելով հոդվածի մեկնաբանությունների դաշտը:
Գեղամ Վարդանյան
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: