Ինֆոկոմ լրատվական ագրեգատորի խմբագիր Սևակ Մամյանը կայքի ստեղծումը բացատրում է տեղեկատվությունը ֆիլտրելու պահանջով: Թավշյա հեղափոխության օրերին այդ պահանջը մեծ էր:
Սկզբում Ինֆոկոմը Տելագրամի ալիք էր, ըստ Մամյանի՝ դա նաև անվտանգ էր ու թույլ էր տալիս զանգվածային հավաքների դեպքում օգտագործել թույլ ինտերնետային կապը:
«Կայքը մեզ համար դարձավ հերթական հարթակներից մեկը: Այսինքն, սոցիալական մեդիայի ու կայքի հետևորդներին մենք տարբեր կերպ ենք մատուցում ինֆորմացիան»,- ասում է նա:
Ինֆոկոմը հավաքում է տեղեկատվությունը՝ պայմանավորվելով կամ համագործակցելով այլ կայքերի հետ: Սևակ Մամյանը նկատում է, որ փաստացի նույնը անում են բոլոր կայքերը, որոնք կարող են վերատպել ինֆորմացիան՝ թեթևակի վերափոխելով ու առանց հղման, մինչդեռ Ինֆոկոմը միշտ նշում է աղբյուրները:
Կայքը ունի նաև սեփական բովանդակությունը՝ կրթական թեմաները, սոցիալական խնդիրները, իրավական փոփոխությունները:
Դարակում
Ինչպե՞ս են քվեարկում ԱԺ պատգամավորներն ու խմբակցությունները։ Որո՞նք են խորհրդարանում քննարկված ամենաթեժ օրինագծերը։ Parliamentmonitoring-ը նոր կայք չէ, սակայն շատ օգտակար է օրենսդիրների աշխատանքին հետևելու համար։
Կարելի է ընտրել երկու պատգամավորի, համեմատել նրանց գործունեությունն ու ստանալ նմանության գործակիցը։
Կայքում հասանելի են ոչ միայն գործող, այլև նախորդ երկու գումարման խորհրդարանների մասին տվյալները։
Գեղամ Վարդանյան
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: