Ֆրիդրիխ Էբերտ հիմնադրամի Արևելյան Եվրոպայի երկխոսություն ծրագիրը հրավիրում է լրագրողներին, բլոգերներին, մեդիա ակտիվիստներին մասնակցելու «Բնապահպանական խնդիրները Սև Ծովի տարածքում պատերազմի ժամանակներում» դասընթացի։
Դասընթացը տեղի կունենա Վրաստանի Բաթումի քաղաքում, հունիսի 26-28-ը։
Սև Ծովի ավազանում բնապահպանական հարցերը մեծ մարտահրավեր են դառնում վերջին տարիներին։ Հիմնական խնդիրներից է ջրի աղտոտումը, սահմանվածից շատ ձկնորսությունը, կենսաբազմազանության կորուստը, կենսամիջավայրի կորուստը և այլն։
Պատերազմներն այս հարցերը էլ ավելի են վատթարացրել։ Թեև այս հարցը պատշաճ ուշադրության չի արժանանում, բայց այն կարող է հանգեցնել սուր բնապահպանական և սոցիալ-տնտեսական հետևանքների։
2022 թվականի ամառվանից հավաքագրվում են փաստեր, որ հազարավոր դելֆիններ են սատկել ականների պայթումների հետևանքով։
Եվ սա միայն մի օրինակ է, պատերազմի և բնապահպանության հարցերի կապվածությայն մասին հազարավոր փաստեր կան։
Երեքօրյա դասընթացի ընթացքում կքննարկվի զինված բախումների ազդեցությունը բնության վրա՝ կենտրոնանալով լրագրողների դերի վրա որպես իրազեկման բարձրացման և կայուն զարգացման հնարավորություններ առաջարկող գործող անձանց։
Դասընթացի աշխատանքային լեզուն անգլերենն է։ Մասնակցությունը բոլոր երեք օրերի ծրագրին պարտադիր է։
Մասնակիցները պետք է պարտաստեն և հրապարակեն թեմայով նյութ իրենց լրատվամիջոցում։
Բոլոր ծախսերը հոգում է Ֆրիդրիխ Էբերտ հիմնադրամը։
Դիմել կարող են Արևելյան գործընկերության երկրների քաղաքացիները (Ուկրաինա, Հայաստան, Վրաստան, Ադրբեջան, Բելառուս, Մոլդովա)
Հայտարարության այլ մանրամասները կարելի է կարդալ այստեղ։
Դիմելու համար անհրաժեշտ է լրացնել հետևյալ հայտը՝ մինչև հունիսի 4-ը։
Մեկնաբանել
Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն: