Կին լրագրողները հաճախ են հանդիպում խտրական վերաբերմունքի․ դրան արձագանքելու, ինչպես նաև գենդերային հարցերը հավասարակշռված լուսաբանելու համար լրատվամիջոցներին անհրաժեշտ է գիտելիք ու հատուկ մշակված խմբագրական քաղաքականություն։

Լրագրողներին, խմբագիրներին և լրատվական դաշտի այլ մասնագետներին  Մեդիա նախաձեռնությունների կենտրոնը հրավիրում է մասնակցելու «Գենդերային քաղաքականության ներդրումը և կիրառումը» դասընթացին։ Դասընացը  կազմակերպում է ուկրաինական Մարզային լրագության զարգացման ինստիտուտը (RPDI)՝  International Media Support (IMS) դանիական կազմակերպության աջակցությամբ։ 

Դասընթացը կկայանա փետրվարի 17-ին ZOOM հարթակում՝ 13։00- 19:30 (ընդմիջումներով): Դասընթացի լեզուն ռուսերենն է։ Մասնակցելու համար անհրաժեշտ է գրանցվել այստեղ։ 

Առցանց հանդիպման հղումը գրանցված մասնակիցներին կուղարկվի փետրվարի 16-ին։

Դասընթացի մասնակիցները կքննարկեն գենդերային հավասարության սկբզունքները, օրենսդրական լուծումների տարբերակները, իրավագիտակցության բարձրացման ճանապարհները, ինչպես նաև գենդերային խտրականության օրինակներ՝ Հայաստանի, Ուկրաինայի, Վրաստանի և Մոլդովայի փորձից։ 

Դասընթացի նպատակներից մեկն է՝ խրախուսել գենդերային քաղաքականության մշակումը ու կիրառումը խմբագրություններում, որպես որակյան լրագրության կարևոր չափանիշ։

Դասընթացավարների մասին

Դասընթացը կվարեն փորձագետներ Իննա Նալիվայկոն և Անա Մորեն (Ուկրաինա)։

Իննա Նավիվայկոն «կանայք՝ Ուկրիանիայի հաջողության 50 տոկոսն են» հարթակի խմբագիրն է։

Անա Մորեն «Հարգանք. արշավ՝ մեդիայում և քաղաքականության մեջ սեքսիզմի դեմ» նախաձեռնության կայքի գլխավոր խմբագրի տեղակալն է, #шопосексизм վլոգի  հեղինակը, բանաստեղծ և ֆեմինիստ։ 

Դասընթացն անցկացվում է «Հետաքննող կին լրագրողների ցանցի ստեղծում» ծրագրի շրջանակում Դանիայի Թագավորության արտաքին գործերի նախարարության աջակցությամբ: