Մեդիա նախաձեռնությունների կենտրոնը (նախկին «Ինտերնյուս» ՀԿ) հրավիրում է Երեւանի եւ մարզերի միջին եւ ավագ դպրոցների ուսուցիչներին` մասնակցելու «Մեդիագրագիտություն» ծրագրին: 3-5 օր տեւությամբ վերապատրաստման դասընթացների ընթացքում ուսուցիչները կստանան անհրաժեշտ տեսական եւ գործնական գիտելիք, նյութեր եւ ձեռնարկ` դպրոցում մեդիագրագիտություն դասավանդելու համար:

Դիմումների վերջնաժամկետը  հուլիսի 5-ն է:

Դասընթացներն անցկացվելու են ամռան ամիսներին եւ սեպտեմբերին՝ Երեւանում եւ մարզերում:

Դասընթացի օրերը կհստակեցվեն մասնակիցների ընտրությունից հետո:

Խրախուսվում են դիմումներ հատկապես Վայոց ձորից, Գեղարքունիքից, Արագածոտնից, Տավուշից եւ Կոտայքից: Չեն կարող դիմել նախկինում մեդիագրագիտության դասընթացներին մասնակցած ուսուցիչները:

Մեդիա նախաձեռնությունների կենտրոնի պատրաստած «Մեդիագրագիտություն» դասընթացը կազմված է 10 թեմաներից` մեդիայի պատմության, ներկա դաշտի, լրատամիջոցների  գործունեության առանձնահատկությունների, լսարանի վրա ունեցած ազդեցության, մեդիայի վտանգների ու ընձեռած հնարավորությունների մասին: Թեմաները ներառում են տեսական-գործնական նյութեր, վարժություններ, տեսաձայնային նյութեր, հղումներ ու համակարգչային խաղ: Դասընթացի ձեռնարկը երաշխավորվել է ԿԳՆ կողմից` որպես  ուսումնաօժանդակ գրականություն:

Դասընթացներին կարող են մասնակցել բոլոր այն ուսուցիչները, ովքեր հետաքրքված են թեմայով եւ ցանկություն ունեն վերապատրաստումից հետո կիրառել գիտելիքը դպրոցում: Մասնակցելու համար անհրաժեշտ է ներկայացնել`
ա) ինքնակենսագրություն (նշել դիմողի հեռախոսահամարն ու էլ. փոստի հասցեն),
բ)  համառոտ նկարագրություն, թե ինչու եք հետաքրքված թեմայով (300 բառի սահմաններում):

Փաստաթղթերն ուղարկել Լուսինե Գրիգորյանին՝ [email protected] էլեկտրոնային հասցեով:

Մանրամասների համար զանգահարեք Մեդիա նախաձեռնությունների կենտրոն, հեռ.  010 583620:

Դասընթացներն իրականացվում են «Ժողովրդավարության աջակցության եվրոպական հիմնադրամ»-ի աջակցությամբ: